1. Эмнэг хангал: догшин морь (унаж эдэлж байгаагүй хангал морь) - Догшин морины чөдөр, номхон дэлгэрэнгүй...
морины ногт болъё. ААЗ., догшин салхи (асар хүчтэй салхи) - Сэрүүн догшин салхи нь сэрвэн хаданд исгэрнэ. О. Дашбалбар. Элегия., зэрлэг догшин [хоршоо] (атар онгон, эмнэг хангал) - Бугын дуу хад харших адил нүргэлэн нэг л этгээд, зэрлэг догшин, тэр гэж илэрхийлэн хэлэхийн аргагүй содон соргог сонсогдох ажээ. Т. Баасансүрэн. Бутач., ардаг догшин [хоршоо] (эмнэг догшин) - Айл саахалтын аль л ардаг догшин, хангал малтай ноцолдож явсан түүний гутал хувцас тэсдэггүй байсныг бодвол үнэндээ тэр жаргаж эхэлжээ. Г. Нямаа. Өртөө буюу дэр мод., атар догшин [хоршоо] (эдэлж сургаагүй эмнэг хангал; эмнэг догшин), эмнэг догшин ~ догшин эмнэг [хоршоо] (мал адгуусны эдэлгээ уналгад сураагүй ардаг онгон нь) - Нэг өдрийн дотор арван гурван догшин эмнэг морийг тойлголов. В.Инжаннаши. Хөх судар;догшин морь | унаж эдэлж байгаагүй хангал морь |
догшин салхи | асар хүчтэй салхи |
зэрлэг догшин | атар онгон, эмнэг хангал |
ардаг догшин | эмнэг догшин |
атар догшин | эдэлж сургаагүй эмнэг хангал эмнэг догшин |
эмнэг догшин ~ догшин эмнэг | мал адгуусны эдэлгээ уналгад сураагүй ардаг онгон нь |
догшин архи | хатуу архи |
догшин амт | хүчиллэг чанга амт |
догшин айраг | хахарч хатуурсан айраг |
догшин болд төмөр | сайтар хатаагдсан хатуу чанартай болд |
догшин хор | агшин зуурт үхүүлэх чанартай хор |
догшин шүү | газрын шүлтэт аммоний нитратуудын ерөнхий нэр |
догшин хүн | ааш зан ширүүн хурц хүн |
догшин авир | аашилж зандрах, занчиж зодохоос үл буцах ширүүн зан авир |
догшин зан | уур омог ихтэй зан |
догшин түрэмгий | аливаа зүйлийг эз дийлэх гэсэн балмад дээрэнгүй зан авир |
тэрсүү догшин | бусдын мэдэлд орохыг хүсдэггүй, ширүүн зан авиртай |
харгис догшин | хэрцгий, хайрлах энэрэх сэтгэлгүй |
хэрцгий догшин | харгис хэрцгий авирлах ёс бус зан байдал |
ширүүн догшин | харгис хатуу авир |
догшин долгин | тогтворгүй ширүүн зан ааш |
догшин харгис | а. Зан аашны хэрцгий балмад нь; б. Дайсан |
догшин уулс | сүрлэг сайхан уулс |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он