ДАРУУЛГА
I
1. Юмны дээрээс дарж тавих зүйл - Бор этүгэн эхийн даруулга, Бурхан Халдун буй за. Лувсанданзан. Алтан товч;
2. Даруулан боох, халхлах өмсгөл: нүдний даруулга (нүдний халх) - Шөнө мориныхоо нүдний даруулгыг унасныг би мэдсэнгүй. дэлгэрэнгүй...Д.Мягмар. Уянгын туужууд., хөхний даруулга (хөхөвч) - Бэхтөр бол, ямар нэг далайн хөвөөнөө долгио сөрөн гүйж яваа шуудаг, хөхний даруулга хоёроос өөр өмсгөлгүй нүцгэн хүүхний ганцхан зураг хадсан аж. С. Дашдооров. Говийн өндөр;
3. Юмыг дарж бэхлэн боох татлага оосор: дээсэн даруулга (ачаа дарж бэхлэх дээсэн уяа), даруулга олом (морины дэлгэрэнгүй...эмээлийн дээгүүр дарах олом), суран даруулга (ачаа дарж бэхэлдэг суран татлага);
4. Дарж тогтоох хадаас; тээг товч;
5. Эмээлийн дэвс зэргийг дарж уях сурын сүвэгчтэй гууль, зэс, мөнгөөр хийсэн жижиг толь: ганзаганы даруулга (ганзагаар дарж бэхэлсэн дэлгэрэнгүй...байдал) - Хүрлээ ганзаганыхаа даруулгыг чангалаад намуухан дуугаар за хөдөлье дөө гэв. П.Хорлоо. Багш., эмээлийн даруулга (эмээлийн олонцгийг дарсан толь) - Дөрөөн сур хөлийн шагай нухаж, эмээлийн даруулга бөгс холгожээ. Д. Цэдэв. Хуучрын аялгуу;
6. Үсээ дарж боох, чимэг бүхий зүүсгэл: даруулгаа зүүх (үс хумбих төмөрлөг зүүсгэл хэрэглэх), сувдан даруулга (сувд дэлгэрэнгүй...хэлхэн чимэглэсэн үс боох хэрэгсэл) - Должин онгомол бор даавуун дээл өмсөж, урт хар гэзгээ ганцаар сүлжин, үзүүрт нь сувдан даруулга хатгаж ногоон дурдан бүснээ хавчуулжээ. Д. Цэдэв. Дангийн даавуу майхан., үсний даруулга (үс хумбих хэрэгсэл, үсний зүүлт) - Сугсгар найман гэзэгтээ сувдан шүрлэг даруулгаа хойш нь урагш нь цацаглуулана. Ж.Бадраа. Уяхан хорвоон хань;
7. Хуягийн гадуур өмсөх ширээр хийсэн өмсгөл;
8. Саадаг хоромсогын хоншоор зэргийн бэхэлгээ: садгийн даруулга (саадгийн оёорын бэхэлгээ).
© Монгол хэлний их тайлбар толь 2016 он