Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ДАРАА I

1. Хойно, хожим, сүүлд - Борооны дараа талд солонго татан цэцэг бүхэн инээн баясдаг. Л.Дашням. Нялх ногоо;

2. Хожим болох: дараа өдөр (а. Маргааш - Түүний дараа өдөр хээр байсан адуугаа эрвэл, манай адуу түймрээс зугтааж явсаар дэлгэрэнгүй... Ц. Дамдинсүрэн. Хув зусаг; б. Хожмын өдөр), дараа сар (ирэх сар) - Тэжээлээс илүү гарсан өвсийг дараа жилийн өвсөнд хэрэглэж болно. Ж.Самбуу. Мал маллагааны арга туршлага;

3. Байн байн; дахин дахин: удаа дараа [хоршоо] (олон дахин, хэд хэдэн удаа);

4. Дэс, зэрэг, эрэмбэ: дэс дараа (ээлж дугаар) - Хангай нутгийн амгалан цагаан шөнөөр нойр хулжиж, энэ нутаг үзсэн дуулснаа дэлгэрэнгүй... Т. Пүрэвсүрэн. Их тээлийн даваа., ээлж дараа (дэс) - Аавыг шөнийн ээлжид суухад бид хоол цайг ээлж дараагаар тогтмол аваачиж өгдөг юм. Д.Цэдэв. Айргийн амт., ая дараа (ээлж дараа), дараагийн боть (үргэлжлэл боть), дараагийн дугаар (ирэх дугаар).

дараа өдөр	а. Маргааш; б. Хожмын өдөр
дараа сар	ирэх сар
удаа дараа	олон дахин, хэд хэдэн удаа
дэс дараа	ээлж дугаар
ээлж дараа	дэс
ая дараа	ээлж дараа
дараагийн боть	үргэлжлэл боть
дараагийн дугаар	ирэх дугаар