1. Биелүүлэх, ажил хэрэг болгох: гүйцэтгэх газар (хийх газар), гүйцэтгэх захиргаа дэлгэрэнгүй...(гүйцэтгэн захирах байгууллага) - Ирсэн төлөөлөгч аймгийн гүйцэтгэх захиргаа, намын хороогоор орж уг асуудалтай танилцав. Л. Түдэв. Нүүдэл суудал., гүйцэтгэх ажилтан (гардан хийх ажилтан) - Хөнгөн тэргээр отрядын төвөөс тусгай тасгийн дарга Дэлгэр, зураг авдаг, шинжилгээ хийдэг хоёр гүйцэтгэх ажилтан бас отрядын эмч нар ирсэн байлаа. Д. Дожоодорж. Зүүний сүвэгч., гүйцэтгэх үүрэг (биелүүлэх үүрэг) - Үүнийг зөвхөн би л хийж чадах, чадахаар ч барахгүй заавал гүйцэтгэх үүрэг болгон өөртөө хүлээв. С. Пүрэв. Гэгээн хайрын мөргөл., гүйцэтгэх чадвар (ажил үүргийг биелүүлэх чадвар), хийж гүйцэтгэх (хийж биелүүлэх) - Заяат чи ажлыг яг өнөөдрийн дотор хийж гүйцэтгэх хэрэгтэй. Л.Түдэв. Уулын үер;