ГУРАВ

Хоёр дээр нэгийг нэмсэн тооны нэр - Гурав хоног дагаж яваад мэдээд ир! гэж Бэлгүтэй Боорчи Зэлмэ гурвыг дэлгэрэнгүй... Монголын нууц товчоо., гурван амттан (бал, бурам, чихэр), гурван гэм (хий, шар, бадгана), гурав дахь (а. Дэс тооны гуравдугаар гэсэн утга - Энд чинь баатар болох битгий хэл яс арьс хоёр нийлсэн мануухай болмоор газар байна гэж гурав дахь цэрэг өгүүлэв. Л.Түдэв. Алтан гадас чигийг заана., гурав дахь хүн (гуравдагч хүн) - Тэр чөтгөрөөс айгаад тийм амархан үхчих эр биш гэхэд гурав дахь хүн:-Оршуулдаг өдрийнх нь урд орой түүнтэй салах ёс гүйцэтгэхээр намайг ороход осолгүй авсанд хэвтэж байсан юм даа. Б. Догмид. Нутгийн чулуу нулимстай., гурав дахь ертөнц (бурхны шашны ойлголтоор насан эцэслэсний дараах амьдрал), гурав дахь этгээд (гуравдагч этгээд) - Бууж өгөхий? гэж гурав дахь этгээд заналхийлэн уурлав. Д. Намдаг. Цаг төрийн үймээн; б. Юмны гурван удаа болох буюу гурав дахих), гурван гэрэл [ёгт] (нар, сар, од), гурван ертөнц [шашин] (тэнгэр, газар, тамын орон), гурван марал [зурхай] (сарны зурхайн хорин найман одны дотоод Маргасар од) - Гадаа тэнгэр арилчихсан, сав саруулхан, мичид гурван марал урд дээр тонгойсхийж байв. Д. Маам. Орлойн тэнгэр., гурван ес (дүн өвлийн хүйтэн) - Идэр гурван ес дундаа орж, ид хүйт чангарч байсан үе юмсан. С. Доржпалам. Яргуй дэлгэрэх цагаар., гурван муу заяа [шашин] (там, бирд, адгуусан), гурван найруулга (дээд эрхэмсэг, тансаг, ердийн буюу дунд, доод буюу доромж, хар яриа), гурван орон [шашин] (дээд, дунд, доод тив), гурван сайн заяа [шашин] (тэнгэр, хүн, асуури), гурван самшуу (зүрх ходоод хоёрын хоорондохыг дээд самшуу, ходоодны дундахыг дундад самшуу, хүйс давсгийн хоорондохыг доод самшуу), гурван сөгдөл [шашин] (хишигт мөргөхөд гурван үе сөгдөж, гурван үе босох), гурван сургууль (бичиг, бурхан, бумба), гурван үүд [шашин] (бие, хэл, сэтгэл), гурван хар [шашин] (тачаангуй, урин, мунхаг), гурван хоосон [аман зохиол] (барин тавин боловч зүүд хоосон, барайж торойж байвч зэрэглээ хоосон, бархирч чарлаж байвч цууриа хоосон), гурван цаг (өнгөрсөн, одоо, ирээдүй), гурван цагаан [аман зохиол] (өсөхөд шүд цагаан, өтлөхөд үс цагаан, үхэхэд яс цагаан), гурван цэг [хэл шинжлэл] (дараалсан гурван цэг тэмдэг /.../) - ...эх хэлний боловсролыг сайн болгох ажлыг бүр багаас нь эхлэх ёстой. Ж. Баянсан. Унаган хэлний монгол хэл сурах бичиг ямар байвал зохих вэ?., ертөнцийн гурав (монгол ардын аман зохиолын нэг төрөл) - Өсөхөд шүд нэг цагаан, өтлөхөд үс нэг цагаан, үхсэн хойно яс нэг цагаан. МААЗ., идэр гурван ес (дүн өвлийн гурван сар), эрийн гурван наадам (морь уралдах, бөх барилдах, сур харвах), *гурван үгний солио мэдэхгүй, гурвалжин нөхөөсний зүйдэл мэдэхгүй (аливаа юмны ёс учир мэдэхгүй тэнэг гэсэн санаа), гурван навчит өвс [ургамал] (уулын хажуу ой модон дотор ялзмаг ихтэй сүүдэрлэг чийгтэй хөрсөнд ургадаг олон наст өвс).

гурван амттан бал, бурам, чихэр
гурван гэм хий, шар, бадгана
гурван гэрэл нар, сар, од
гурван ертөнц тэнгэр, газар, тамын орон
гурван марал сарны зурхайн хорин найман одны дотоод Маргасар од
гурван ес дүн өвлийн хүйтэн
гурван муу заяа там, бирд, адгуусан
гурван найруулга дээд эрхэмсэг, тансаг, ердийн буюу дунд, доод буюу доромж, хар яриа
гурван орон дээд, дунд, доод тив
гурван сайн заяа тэнгэр, хүн, асуури
гурван самшуу зүрх ходоод хоёрын хоорондохыг дээд самшуу, ходоодны дундахыг дундад самшуу, хүйс давсгийн хоорондохыг доод самшуу
гурван сөгдөл хишигт мөргөхөд гурван үе сөгдөж, гурван үе босох
гурван сургууль бичиг, бурхан, бумба
гурван үүд бие, хэл, сэтгэл
гурван хар тачаангуй, урин, мунхаг
гурван хоосон барин тавин боловч зүүд хоосон, барайж торойж байвч зэрэглээ хоосон, бархирч чарлаж байвч цууриа хоосон
гурван цаг өнгөрсөн, одоо, ирээдүй
гурван цагаан өсөхөд шүд цагаан, өтлөхөд үс цагаан, үхэхэд яс цагаан
гурван цэг дараалсан гурван цэг тэмдэг /.../
ертөнцийн гурав монгол ардын аман зохиолын нэг төрөл
идэр гурван ес дүн өвлийн гурван сар
эрийн гурван наадам морь уралдах, бөх барилдах, сур харвах
гурван үгний солио мэдэхгүй, гурвалжин нөхөөсний зүйдэл мэдэхгүй аливаа юмны ёс учир мэдэхгүй тэнэг гэсэн санаа
гурван навчит өвс уулын хажуу ой модон дотор ялзмаг ихтэй сүүдэрлэг чийгтэй хөрсөнд ургадаг олон наст өвс