1. Туруутан баг, гахайнхан овог, гахай төрөлд багтах, элдэв идэшт, хэвдэггүй, Евро-Ази, Африкт тархмал, олон зүйлтэй, дэлгэрэнгүй...
тэжээвэр нь дэлхий даяар тарсан том биет дэлэнт амьтан - Гахай, шилүүс, хандгай, буганаас эхлээд чандага хүртэл буун дуу, дарийн утаанаас дүрвэн зайлжээ. Б.Нямаа. Арандалынхан; гахайн сор (гахайн ширүүн, урт шулуун үс), гахайн сур (гахайн арьсан сур), гахайн торой (гахайн зулзага) - Пэлхээ чавганц садангийн ганц хүн боловч гахайн торой шиг олон нүцгэн амьтныг ноохой дотроо тэжээж суух учир илүү аманд идүүлэх юм үнэндээ ч байхгүй. С. Эрдэнэ. Цасан дорхи ногоо., гахайн үзмэрч (гахайн толгойгоор мэргэлдэг хүн), бодон гахай (нас гүйцсэн эр гахай) -Модны захын шугуй сөөг дотроос бодон гахай гарч ирээд, галын гэрэл үзээд гайхан зогсжээ. Б. Ринчен. Заан Залуудай., гахай хавдар (эрүү шанаан тус газар хавддаг халдварт өвчин) - Чогдов өвгөний зааварласанаар ус үлээсээр байгаад хоёр эрүү нь хөшиж, нүд нь бөлцийн хавагнаж, булчирхай нь цуцан гахай хавдар туссан мэт болов. До. Цэнджав. Ёнхор дарханы өв., *нохой гахайдаа хүрэх (зад хэрэлдэх), гахай унтахдаа, нохой идэхдээ [зүйр цэцэн үг] (хэрэг бодис өөр өөрийн онцлог ба тус тусын сайн муу талтай гэсэн санаа), гахайн хоншоор хашаа эвдэх, хүний хоншоор хошоо эвдэх [зүйр цэцэн үг] (муу хүний хов жив дэндвэл бусдын нөхөрлөлийг эвдэнэ гэсэн санаа), гахайн сүүл [ургамал] (ус намагтай газар буюу гол горхины усан дотор ургадаг олон наст ургамал), гахайн чих [ургамал] (гуу жалга, элсэрхэг чийгтэй хөрсөнд ороож ургадаг, зүрхэн буюу дугариг хэлбэрийн навчтай өвс);гахайн сор | гахайн ширүүн, урт шулуун үс |
гахайн сур | гахайн арьсан сур |
гахайн торой | гахайн зулзага |
гахайн үзмэрч | гахайн толгойгоор мэргэлдэг хүн |
бодон гахай | нас гүйцсэн эр гахай |
гахай хавдар | эрүү шанаан тус газар хавддаг халдварт өвчин |
нохой гахайдаа хүрэх | зад хэрэлдэх |
гахай унтахдаа нохой идэхдээ | хэрэг бодис өөр өөрийн онцлог ба тус тусын сайн муу талтай гэсэн санаа |
гахайн хоншоор хашаа эвдэх, хүний хоншоор хошоо эвдэх | муу хүний хов жив дэндвэл бусдын нөхөрлөлийг эвдэнэ гэсэн санаа |
гахайн сүүл | ус намагтай газар буюу гол горхины усан дотор ургадаг олон наст ургамал |
гахайн чих | гуу жалга, элсэрхэг чийгтэй хөрсөнд ороож ургадаг, зүрхэн буюу дугариг хэлбэрийн навчтай өвс |
гахай жил | сарны тооллын арван хоёр жилийн арван хоёрдугаарх нь |
гахай сар | өвлийн тэргүүн сар |
гахай өдөр | гахай эзэлсэн, тохиосон өдөр |
гахай цаг | 21 цаг 40 минутаас 23 цаг 40 минут хүртэлх хугацаа буюу шөнө |
гахай шиг амьтан | а. Бохир, заваан; б. Ховдог, идэмхий |
гахай зөөх - Үз. Гахай чирэх
Түүний баяжсан түүх бол анх гахай зөөснөөс эхэлсэн байна. О.Самбуудорж. Монгол хэлний этгээд үг хэллэгийн толь.
Очирбат Самбуудорж2015-06-26 07:56:54
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он