Үйлийн болох зүг нь юмны дотор тал ба хамаа харьяанаас гадна тал руу хандах чиглэл: гадагш болох дэлгэрэнгүй...(гадна тийш болох), гадагш гарах (а. Гадаа гарах; б. Өөр улсад очих) -Өлзийн гадагш гарах нь гагцхүү хоёр саахалтын гэрийн зайд байх Хөх Бүрдний хөлийн харзнаас дөчийн цагаан саваар ус үүрэх билээ. Д. Цэдэв. Уурга., гадагш гаргах (а. Дотор байсан юмыг гадна гаргах, гадаа гарах; б. Гадаад улсад юм гаргах),  гадагш гишгэх (а. Гутлынхаа өсгийг гадна тийш нь муруй гишгэх; б. Гадаад улсад явах), гадагш өмсөх (үстэй хувцасны үсийг гадагш харуулан өмсөх), гадагш явах (гадагш гарах; хол газар явах) - Салхивчаар гадагш савсан буй сайхан хоолны халуун уурыг ширтэж, шүлсээ залгин байв. Б.Нямаа. Арандалынхан., гадагш дотогш [хоршоо] (гадна дотно тийш) - Биднийг гадагш дотогш явуулах нь бүү хэл хичээлд суулгахыг болиод хэд хонов. Д.Цэдэв. Айргийн амт.