Жижигхэн шувууны нийт нэр: бялзуухай жиргэх (бялзуухай дуугарах) - Ганга мөрний бялзуухай гадаа дэлгэрэнгүй...ирээд жиргэнэ. Монгол ардын дуу., бялзуухай исгэрэх (бялзуухай уртаар жиргэх) - Болжмор шувуу жиргэж, шугуй дунд бяцхан цагаан бялзуухай исгэрнэ. С.Эрдэнэ. Хонгорзул., бялзуухай татах өөш (бялзуухай барих хэрэгсэл), бялзуухай уриа (бялзуухай гөрөөлөхөөр далд сууж дуугарах дуун), бялзуухай үлээх хонгил (нэг хос алд хүрэх урт хонгиогоор бөмбөрцөг үлээн бялзуухай гөрөөлөх зэвсэг), бялзуухай малгай (бялзуухайн толгойн адил хийсэн шанхат малгай), *бялзуухайн зүрхтэй (аймхай, хулчгар), бидэрт бялзуухай [амьтан] (хошуу урт, их, аньсаганы дээд талд нэг зурвас цагаан чандартай, биеийн чандар хар, цагаан холилдсон эрээн алаг шувуу), бутны охил бялзуухай [амьтан] (Европ, Азид тархмал нүүдлийн шувуу), бэлгэт бялзуухай [амьтан] (хошуу улаан болоод өргөн, бие харавтархан, эрэгчин, эмэгчин нэг газар оршиж байдаг шувуу), гацуурын загалмай бялзуухай [амьтан] (Европт, баруун хойд Африк, Газар Дундын тэнгис, Ази, Хойд Америкт тархсан, гачуур модонд үүрээ засдаг бялзуухай), их охил бялзуухай [амьтан] (Европ, Азид тархмал голын эргээр амьдардаг нүүдлийн шувуу), могой бялзуухай [амьтан] (хүзүү могойрхуу төрхтэй, хөл урт нэг зүйл бялзуухай), хээрийн охил бялзуухай [амьтан] (Европ, Азид тархмал үүрээ газар засдаг нүүдлийн шувуу), хүрдэг бялзуухай [амьтан] (Европын хар модтой ойн хэсэг, Байгаль нуурын орчим, Хойд Америкт тархмал байнгын шувуу), хээрийн бялзуухай [амьтан] (Төв Ази, Дундад Азийн ууланд амьдардаг байнгын шувуу), цармын бялзуухай [амьтан] (Европ, Ази, Хойд Америкт тархмал, модонд үүрээ засдаг, байнгын шувуу), шарагч бялзуухай [амьтан] (Европ, Ази, Монгол, Дундад Ази, Афганистан, Энэтхэгт тархмал үүрээ модонд засдаг нүүдлийн шувуу), шүр бялзуухай [амьтан] (далан хэлт чогчиготой адил, толгойдоо цэцэгтэй, биеийн чандар хар, хэрэлдэх зантай нэг зүйл шувуу); энхт бялзуухай [амьтан] (Ази, Европ, Сибирь, Монголд тархмал, үүрээ модонд засдаг нэг зүйл шувуу), бялзуухай хэдий дэрвэсэн ч хол нисэж чадахгүй [зүйр цэцэн үг] (юм бүгд өөрийн хэм хэмжээтэй гэсэн санаа).