Гол төмөр доторх бянтаар суманд эрч оруулж харвах галт зэвсгийн ерөнхий нэр: ангийн буу (ан гөрөө дэлгэрэнгүй...хийхэд хэрэглэдэг галт зэвсэг), гар буу (ойр тусах авсаар жижиг буу), их буу (урт гол төмөртэй, том сумтай, устгах сөнөөх чадал их, холын тусгалт галт зэвсэг), ланжуу буу (бялт цохиж гал авалцдаг нэг зүйл винтов буу), нагаан буу (хүрдтэй гар буу), үхэр буу (түрүү үеийн их буу), хоёр амтай буу [хуучирсан] (хоёр гол төмөртэй буу), хурдан буу (түргэн сумладаг, сум нь хол тусдаг буу), цахиур буу (бялтгүй, цахиураар гал авалцах буу), буу алдах (осолдож буу буудах), буу тавих (хий буудах), цаасан буу тавих (а. Пуужин буудах, ёслолын буудлага хийх; б. [шилжсэн] Худлаа ярих -Зарим нэгэн хүн намайг цаасан буу тавьж, энд тэнд явах гэх нь бий. Б.Ринчен. Үүрийн туяа), бууны ам (бууны гол төмрийн ам), бууны бөгс (хоёр амнаас хойших хэсэг, замгийн хойд тал), бууны бянт (гол төмрийн доторх эрчилсэн зураа), бууны замаг (бялт цохих цохилуур бүхий төмөр), бууны овоо (хараа тохируулах хэсэг), бууны сүмбэ (гол төмрийг нударч цэвэрлэх хэрэгсэл), бууны хараа (сумны он тусахыг тодруулагч), бууны хүхээ (сум агуулах хэсэг), буу зэвсэг [хоршоо] (галт зэвсгийн ерөнхий нэр) - Эвэргүй малаа ардаа туугтун гэсэн нь буу зэвсэггүй нь ард нь явагтун гэжээ. Ардын аман зохиолын эмхэтгэл., буу саадаг [хоршоо] (гэр зэвсэг) - Бууч мэргэн залуус буу саадгаа агссанаа л... Арван гурван хүлгийн дуу., буу сэлэм [хоршоо] (буудах, цавчих зэвсэг) - Халх цэргүүдээс зарим нь түрүүлж буриадуудад буу сэлмээ хураалгав. С.Дашдэндэв. Улаан наран., буу цоор [хоршоо] (галт зэвсэг) - Тэр анчны буу цоорыг нь булааж авав. Чехийн эртний домог., буу шуу [хоршоо] (буу шийдэм), буу шийдэм [хоршоо] (галт зэвсэг болон жанчих мод), *үнсэн буу тавих (а. Болгоомжгүйгээс осолдож гал руу ус оруулах; б. [шоодсон] Орон гэр бохир, муухай байдалтай байх).