Агаарын тунадсын ууршин унасан усан дуслууд: аадар бороо (их устай бороо), азарган дэлгэрэнгүй...бороо (усархаг ширүүн бороо), зүс бороо (зөөлнөөр удаан үргэлжлэн орох бороо), их бороо (удаан орох зүсрээ бороо) - Их бороо орох янзтай. Б.Бааст. Алтайн хөх дөнөн., нартай бороо (нарны гэрэл хөндлөнгөөс тусаж байх үеийн бороо), солонготой бороо (бороо орж байх үед нарны гэрэлд солонго татах байдал), усан бороо (ус ихтэй бороо), шамарган бороо (цас ус холилдсон бороо), шиврээ бороо (зөөлөн бороо), бороо арилах (бороо орохоо болих), бороо асгах (их устай бороо орох), бороо зогсох (бороо орохоо болих), бороо зөөлрөх (борооны ширүүн үе өнгөрөх), бороо намжих (бороо бага болох, зөөлөн шиврэх), бороо сэг болох (хур бороо түр зуур зогсох), бороо татрах (хур бороо орох нь багасах), бороо цайрах (хур бороо орж байгаа нь холоос харагдах), бороо цутгах (их устай бороо орох), бороо шаагих (ширүүн бороо орох), бороо шиврэх (хур бороо зөөлөн орох), бороо шимтэх (хур бороо тэгш орж, газар гарч өн болох), борооны ургамал (хурын усанд шүтэж ургадаг ургамал), бороо мөндөр [хоршоо] (жижиг мөсөн тунадастай хур), бороо хур ~ хур бороо [хоршоо] (агаарын тунадас) - Ер бороо хурын шинж огт үгүйгээр барахгүй... Н.Лесков. Зовлонгийн далай., бороо цас [хоршоо] (халуун, хүйтний улиралд газарт буух агаарын тунадас) - Гэнэт бас бороо цас хамтаар орж хойноос хүйтэн салхи салхилсанд хотын дээр овоолсон мод чулуу цөм наалдан хөлдсөнд... В.Инжаннаши. Хөх судар., *борооны дараах мөөг шиг (ямар нэгэн зүйл богино хугацаанд хэтэрхий олон болох), *өнгөрсөн борооны хойноос цув нөмрөх (а. Хэрэг явдал нэгэнт өнгөрсөн хойно дэмий сүржигнэх; б. Хэрэг явдлын болж байгаа ид үед нь зохистой арга хэмжээ авахгүй хожимдох гэсэн санаа), *бороотой ч болзоондоо (хэлсэн ярьсандаа гэсэн санаа), *үүлэн борооны явдал (эр эмийн явдал), *салхи борооны явдал (садар самуун явдал), борооны ус давсгүй, бодлоготны үг худалгүй [зүйр цэцэн үг] (үг хэл, ажил төрлөө бодож тунгааж үйлдвэл эндүүгүй гэсэн санаа), борооны өмнө шороо, боохойн өмнө хэрээ [зүйр цэцэн үг] (а. Аливаа хэрэг явдал болохын өмнө муу шинж тэмдэг мэдэгдэх; б. Муу этгээд ирэхийн өмнө муу ёр илэрхий болох гэсэн санаа).