1. Бодол: бодлого болох (бодлогошрох, юм бодох) - Далантай өвгөнийг эл ухуулах бичгийн үгийг дэлгэрэнгүй...
уншин дуусгаж бартал, галын зүүнтээ сууж байсан эмгэн бодлого болон шүүрс алджээ. Б.Ринчен. Сандо амбан., алсын бодлого (холын бодлого, хэтийн бодлого) бодлого ухаан [хоршоо] (бодол ухаан, арга) - Бодлого ухаанд маш сайн шуудваас богд хүмүүний үйл явдалд хүрмүй. В.Инжаннаши. Улаан үүлний нулимс., бодлого эрдэм [хоршоо] (эрдэм мэдлэг, ухаан) - Богд гэсэр хааны амраг ах бөгөөд бодлого эрдэм бүрджээ. Замлин Сэнчиний намтар оршив;бодлого болох | бодлогошрох, юм бодох |
бодлого ухаан | бодол ухаан, арга |
бодлого эрдэм | эрдэм, мэдлэг ухаан |
бодлого бодох | тоо бодох |
тоо бодлого | тооны энгийн чанар үйлдлийг судлах тооны ухааны нэг салбар |
нам төрийн бодлого | улс орныг хөгжүүлэх, ардчиллыг бэхжүүлэх талаар нам болон төрийн байгууллагаас баримталсан үзэл бодлын цогц |
гадаад бодлого | гадаад улс оронтой хэрхэн харьцах тухай нарийн боловсруулсан арга, ажиллагаа |
хатуу бодлого | тууштай баримтлахаар нэгэнт шийдвэрлэсэн зүйл |
бод алдах гэмгүй, бодлого алдах хэцүү | аливаа ажил хэргийг сайтар бодож тунгааж үйлдэхийг сургасан хэллэг |
алсын бодлого | холын бодлого, хэтийн бодлого |
бодлого алдагдах | бодлогын зарчмаа бариагүйгээс алдаа гажуудал гарах |
мөнгөний бодлого - Мөнгөний нийлүүлт, зээлийн хүү зэргээр санхүү, эдийн засгийн үйл ажиллагааг зохицуулах.
Очирбат Самбуудорж2015-12-15 15:46:29
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он