Адаг, сүүл, төгсгөл - Хурын эцэс цас. Ж.Дашдорж. Монгол цэцэн үгийн дэлгэрэнгүй...далай., насны эцэс (насны сүүл), улирлын эцэс (жилийн дөрвөн улирлын төгсгөл), эцэс болох (юм, ажил үйлс дуусах төгсөх), намрын эцэс болох (намар цаг дуусах дөхөх) - Намрын дунд сарын эцэс болоход малын хүч тарга нь гүйцнэ. Ж.Самбуу. Мал маллагааны арга туршлага., эцэс болох (а. Дуусах, төгсөх; б. Нас барах, үхэх), нас эцэс болох (нас барах), эцэс болтол (а. Ажил хэргийг дуустал; б. Үхтэл), эцсийн мэдүүлэг (гэмт хэрэг үйлдсэн хүнийг шийтгэхийн өмнө байцааж авсан өчиг), эцсийн үг (үхэхийн өмнөх гэрээс, санамж) - Хөөрхий Гэндэн минь намайг нутаг явах гэж байхад ирж уулзсан нь эцсийн үг байж дээ. Ж.Дамдин. Үймээний жил; эцэс төгсгөл [хоршоо] (а. Аливаа юмны дуусах, төгсөх газар; б. Ажил үйлийн төгсгөл) - Одоо энэ дайны эцэс төгсгөл яаж дуусах нь хүмүүсийн нүдэнд бараг үзэгдэх болжээ. Б.Бааст. Алтайн хөх дөнөн., эцэс хойд (хожим, хойч ирээдүй) - Эрхэм дээдийг шүтээд эцэс хойдоо бодолтой. Эцэс хойдыг бодвол эрдэм билгийг суралтай. Д.Равжаа. Зохиолын эмхэтгэл.