Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ШУДАРГА I

1. Эгц шулуун, чигч шулуун: шударга зан (шулуун зан) - Би чинь төвшин шударга зантай, төлөв дэлгэрэнгүй... М.Чимид. Алтан номын үсэг;

2. Чигч, үнэнч, төлөв төвшин - Угаас сайн санаат шударга хүнийг насанд шүт, ухаан мэргэн боловч хар санаат хүнийг үүрд сэргийл. дэлгэрэнгүй... ариун шударга (цэвэр ариун, үнэнч) - Энэ дайн дууссан цагт Төмөрийнх гэж ариун шударгаар амьдарсан, жаргалтай айл буй болоход Төмөр итгэж байлаа. Ч.Лодойдамба. Тунгалаг Тамир., шударга бус (үнэнч бус), шударга өрсөлдөөн (зах зээлийн эдийн засгийн үйл ажиллагаан дахь, талуудын харилцааны зүй зохистой хэлбэр) - Шударга өрсөлдөөнийг дэмжиж, дангаар ноёрхохыг хязгаарлах тухай хуулийг энэ онд багтаан хэлэлцэн батлах болно. “Ардын эрх” сонин., шударга сайн (үнэнч, төвшин сайн), шударга үнэн (ариун үнэн, чин үнэн), шударга тэмцэл (үнэн зөв тэмцэл) - Ариун шударга тэмцлийн төлөө, амиа алдсан баатрын булшин дээр ... Ч.Лхамсүрэн. Шүлэг., шударга хөдөлмөр (үнэнч хөдөлмөр), шударга хүн төрөлхтөн (чигч, үнэнч дэлхийн хүмүүс), шударгаар хөдөлмөрлөх (үнэнчээр хөдөлмөрлөх), “шударга журам” медаль (гэнэтийн осол аюулаас улс нийгмийн эд хөрөнгө, хүний амь биеийг аварч, онцгой гавьяа байгуулагсдыг шагнах медаль), төв шударга [хоршоо] (цэгц шулуун, чин үнэнч), төвшин шударга [хоршоо] (цэгц шулуун, үнэнч), үнэнч шударга [хоршоо] (худал хуурмаггүй, цэгц шулуун), шударга номхон [хоршоо] (үнэнч шударга бөгөөд төлөв төвшин) - Тэмүжин чи энэ хориод жилийн хооронд сүр хүчиндээ эрэмшиж, их бага шударга номхон улс аймгуудыг дарлаж давшилж хядан дагуулсан нь хэтэрхий олон. В.Инжаннаши. Хөх судар., шударга үнэнч [хоршоо] (чигч, шударга) - Баян эзэндээ шударга үнэнч байх гэж зүтгэнэ. Б.Бааст. Алтайн цэцэг., шулуун шударга [хоршоо] (зарчимтай, гуйвшгүй зан чанар) - Уг нь төрсөн эцэг чинь манай энд номтой, бичигтэй шулуун шударга хүн гэж гайхагдаж явсан юм даа. П.Хорлоо. Багш., шударга үг чихэнд аягүй боловч, явдалд тустай [зүйр цэцэн үг] (хатуу үг хэтийн явдалд тустай гэсэн санаа).

шударга зан	шулуун зан
ариун шударга	цэвэр ариун, үнэнч
шударга бус	үнэнч бус
шударга өрсөлдөөн	зах зээлийн эдийн засгийн үйл ажиллагаан дахь, талуудын харилцааны зүй зохистой хэлбэр
шударга сайн	үнэнч, төвшин сайн
шударга үнэн	ариун үнэн, чин үнэн
шударга тэмцэл	үнэн зөв тэмцэл
шударга хөдөлмөр	үнэнч хөдөлмөр
шударга хүн төрөлхтөн	чигч, үнэнч дэлхийн хүмүүс
шударгаар хөдөлмөрлөх	үнэнчээр хөдөлмөрлөх
шударга журам медаль	гэнэтийн осол аюулаас улс нийгмийн эд хөрөнгө, хүний амь биеийг аварч, онцгой гавьяа байгуулагсдыг шагнах медаль
төв шударга	цэгц шулуун, чин үнэнч
төвшин шударга	цэгц шулуун, үнэнч
үнэнч шударга	худал хуурмаггүй, цэгц шулуун
шударга номхон	үнэнч шударга бөгөөд төлөв төвшин
шударга үнэнч	чигч, шударга
шулуун шударга	зарчимтай, гуйвшгүй зан чанар
шударга үг чихэнд аягүй боловч явдалд тустай	хатуу үг хэтийн явдалд тустай гэсэн санаа