Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ШИЛ IV

1. Ардын эмнэлгийн судар бичигт шилийг, байгалийн ба хиймэл гэж ялгадаг, байгалийн шилийг цагаан, хөхөмдөг ногоон, дэлгэрэнгүй...

2. Шилээр хийсэн юм: шилэн аяга (шилээр хийсэн аяга) - Хүрлээ шилэн аяганд сүү хийгээд Гантулгыг өндийлгөж сүү уулгав.дэлгэрэнгүй..., шилэн кабель (нягтрал сайтай, уян хатан, мэдээллийг өндөр хурдтай дамжуулах голдоо шил бүхий утас) - Телефон радио ашиглалтын хороо, Францын /Алкател/ пүүстэй 55 сая төгрөгийн гэрээтэйгээр хамтран ажиллаж, шилэн кабель татахад хоёр мэргэжилтэн биечлэн тусалж байна. “Ардын эрх” сонин., шилэн сав (шилээр хийсэн сав), шилэн хаалга (шилээр хийсэн хаалга) - Богд гэгээн, эх дагина хоёр шилэн хаалгатай алтадсан сүйх тэргэнд сууж, ордны олон бараа бологчид дагаж явав. Д.Гонгор нар. Д.Сүхбаатарын тухай дурдатгалууд., шилэн хорго (шилээр хийсэн хорго) - Ноён хиа Шүхрийн гэрээс бангийн тос бүхий шилэн хорготой мөнх зулыг нь шүүрэн аваад, эргэнэгийн нь тэндэх үйсийг хормойлон гарч, их гэр өөд гүйв. З.Баттулга. Уяхан замбуутив., шилэн хумс (пласмасан хумсыг, өөрийн нь хумсан дээр нааж, түрж ургасны дараа гарах зайд нь акриль хэмээх шингэн хуурай хоёр бодисыг нийлүүлэн бөглөж хийдэг, урт гоёмсог хиймэл хумс) - Шилэн хумс юм угааж хийхэд хугарахгүй, өөрийн хумстай адил байдаг гэнэ. “Хүмүүс” сонин., шилэн эдлэл (шилээр хийсэн эдлэл), шил будаг (шаазангийн будаг, паалан), шил чулуу (шил адил тунгалаг нэгэн зүйл чулуу), гал шил ~ галт шил (юмыг томруулж өсгөдөг шил), архины шил (архи хийдэг шилэн лонх), гөлмөн шил (энгээрээ том хэмжээний шил), нүдний шил (хараа муудахад болон хараа хамгаалахад зориулж хийсэн хос шил) - Өргөн хүрээтэй малгай өмсөж, том хар шил зүүсэн, нүүрээс нь хөлс мөндөр мэт бурзайсан хүмүүс байлаа. М.Чойжил. Андын нутаг алсдахгүй., халууны шил (хүн, амьтны биеийн халууныг хэмжихэд зориулагдсан шилээр хийсэн хэмжих хэрэгсэл), шил лонх [хоршоо] (шил сав);

3. Нэг лонх хэмжээтэй юм: шил архи (нэг лонх архи) - Ганц шил архи авч уув. Н.Банзрагч. дэлгэрэнгүй...

шил хагарах	шил эвдрэх
өсгөдөг шил ~ томруулдаг шил ~ үржүүлэх шил	юмны дүрсийг өсгөн томруулдаг шил
цагны шил	цагны нүүрт хийдэг хиймэл шил
цонхны шил	цонх шиллэх шил
чийдэнгийн шил	цахилгаан гэрлийн шил
шил толь	цэвэр тунгалаг, гялтганасан
шилэн аяга	шилээр хийсэн аяга
шилэн кабель	нягтрал сайтай, уян хатан, мэдээллийг өндөр хурдтай дамжуулах голдоо шил бүхий утас
шилэн сав	шилээр хийсэн сав
шилэн хаалга	шилээр хийсэн хаалга
шилэн хорго	шилээр хийсэн хорго
шилэн хумс	пласмасан хумсыг, өөрийн нь хумсан дээр нааж, түрж ургасны дараа гарах зайд нь акриль хэмээх шингэн хуурай хоёр бодисыг нийлүүлэн бөглөж хийдэг, урт гоёмсог хиймэл хумс
шилэн эдлэл	шилээр хийсэн эдлэл
шил будаг	шаазангийн будаг, паалан
шил чулуу	шил адил тунгалаг нэгэн зүйл чулуу
гал шил ~ галт шил	юмыг томруулж өсгөдөг шил
архины шил	архи хийдэг шилэн лонх
гөлмөн шил	энгээрээ том хэмжээний шил
нүдний шил	хараа муудахад болон хараа хамгаалахад зориулж хийсэн хос шил
халууны шил	хүн, амьтны биеийн халууныг хэмжихэд зориулагдсан шилээр хийсэн хэмжих хэрэгсэл
шил лонх	шил сав
шил архи	нэг лонх архи