Хүн, амьтны арьс мах, ямар нэг шалтгаанаар ялтарсан, хагарсан нь: шарх аних (шархны ялтарсан нь нийлж эдгэрэх байдалтай болох) - дэлгэрэнгүй...Тэр бол гуяны нь шарх дөнгөж аниад байсан Буян байв. Л.Түдэв. Уулын үер., шарх битүүрэх (шарх аних), шарх гарах (шарх үүсэх), шарх олох (шархтай болох) - Зэгсэн том шарх олсон байв. Ж.Пүрэв. Гурван зангилаа., шарх сэдрэх ~ шарх үгдрэх (шарх дахин өвчлөх) - Гэтэл хавар болсон хойно сургагчийн шарх дахин сэдэрч байн байн ухаан алдах болсон тул буцахаас өөр аргагүй болжээ. С.Эрдэнэ. Өгүүллэгүүд., бээрлэсэн шарх (идээ бээр болсон шарх), сумны шарх (сумнаас олсон шарх) - Суманд өртсөн гэхэд шарх нь гонзгой нэвт гарсан нүхгүй юм. Ж.Пүрэв. Гурван зангилаа., ходоодны шарх (ходоод шархалсан нь), хуучин шарх (удсан шарх), хутганы шарх (хутганаас болж олдсон шарх), хүнд шарх (эдгэрэх нь хэцүү, амь насанд аюултай шарх) - Энэ удаа шарх нь их хүнд ажээ. Л.Түдэв. Уулын үер., *зүрхний шарх (зүрхний шаналал) - Он жил хөврөн улирч орь зүрхний шарх алгуур анин эдгэрч байлаа. Б.Бааст. Алтайн цэцэг., *сэтгэлийн шарх (сэтгэлийн зовлон шаналал) - Хамт явсан хүн нь дэмий үг хэлж хүний сэтгэлийн шархыг хөндөж орхив гэж өөрийгөө зэмлэсэн байдалтай дуугүй зэрэгцэн алхана. С.Лочин. Сэтгэлийн өнгө., шарх сорви [хоршоо] (хүн, амьтны ялтарсан арьсанд тогтсон ор мөр) - Харин нүүрэндээ гүн гүнзгий шарх сорвитой болохоос л айдаг юм. Д.Гарамжав. Нэгэн өглөө., яр шарх [хоршоо] (идээт үрэвсэл: хүн, амьтны арьс мах ялтарч ховхорсон хэсэг).