ЧӨДӨР

1. Морь малын гурван хөлийг торгож тогтоодог тоног хэрэгсэл, сур, хялгасаар дан, давхар (хоймсон, гурамсан) зангидна, дэлгэрэнгүй...


2. [шилжсэн] Саад, тотгор: ажил хөдөлмөрт чөдөр болох (ажил хөдөлмөрт саад тотгор болох).

олсон чөдөр олсоор хийсэн чөдөр
суран чөдөр сураар хийсэн чөдөр
төмөр чөдөр төмрөөр хийсэн чөдөр
чөдөр алдуурах чөдрийн чагт мултрах
чөдөр зангидах чөдөр хийх, үйлдэх
чөдрийн алга чөдрийн чагттай хэсэг
чөдрийн гогцоо чөдрийн чагт торгох нүх
чөдрийн сум чөдрийн урт шилбэ
чөдрийн хаа чөдрийн өмнөх хоёр салаа сум
чөдрийн хумс чөдрийн чагт, тээг
чөдрийн шилбэ чөдрийн сум
чөдөр галзуу нохойд тусах нэг зүйл өвчин
чөдөр оньс а. [хуучирсан] Дайн байлдаанд хэрэглэх, чулуу, сум харвах зөөврийн төхөөрөмж; б. Нисэх онгоц, моторгүй онгоц бусад нисэх хэрэгслийн нисэлтийг хурдасгах төхөөрөмж
чөдөр оньст суудал дуунаас хурдан нисэх онгоц, сансрын хөлгөөс нисэгчийг суудалтай нь харваж шүхрээр буулгах төхөөрөмж
чөдөр холбоо нэг зүйл гогцоолдсон хөвөрхий уяа
чөдөр ногт малын толгойд болон хөлд зүүх тушаа, оосор
чөдөр тушаа а. Морь малыг чөдөрлөх, туших тоног хэрэгсэл; б. [шилжсэн] Хориг саад, тотгор
үнсэн чөдөр зангидах бүтэшгүй зүйл мөрөөдөх
чөдөр галзуу туссан юм шиг согтоод гуйвж, дайвсан байдал
чөдөр ороомог

утас мэт нарийн, бусад ургамлыг ороож ургадаг, ороонгын төрөлд багтах шимэгч ургамал; алтан утас

чөдөр өвс мод өвсөнд ороож ургадаг ургамлуудын ерөнхий нэр
чөдөр сэдэргэнэ нуга, тариалангийн талбайд ихэд ургадаг, сэдэргэнийн төрөлд багтах хогийн ургамал
ажил хөдөлмөрт чөдөр болох ажил хөдөлмөрт саад тотгор болох

Прмо

Роиь

Зочин 2020-03-22 12:32:44