Гүехэн цагаан, хурц тод бус цагаан: цэгээн болгох (гүехэн цагаан болгох), цэгээн дэлгэрэнгүй...өнгө (гүехэн цагаан өнгө), цэгээн тунгалаг (тув тунгалаг), цэгээн хярам (сүү багатай хярам) - Цэлмэг өдөр цэгээн тэнгэрт цэнхэр униар татна. С.Эрдэнэ. Малын хөлийн тоос., цэгээн чулуу (гүехэн цагаан өнгөтэй чулуу) - Цээл ус тасарч, цэгээн чулуу хагарав. Монголын нууц товчоо., цэгээн шөнө (дэлхийн тэнхлэгийн хазайлт, дэлхийн бөмбөрцгийн эргэлтээс хамааран, харуй бүрий тасраагүй байхад үүр тэмдэгрэх үзэгдэл; цагаан шөнө), цагаан цэгээн [хоршоо] (цайвгар, цийлгэр өнгө), цэгээн бүгээн [хоршоо] (юмны гүехэн цагаан, бүдэг цагаан өнгө), цэгээн шаваг [ургамал] (хужир мараатай газар ургадаг нэг зүйл шаваг), цэгээн шарилж [ургамал] (арваас арван таван сантиметр өндөр ургадаг, өвлийн цагт малд тэжээлтэй, хуурайвтар хөрстэй газар ургах нэгэн зүйл шарилж).