1. Хүний албан тушаал, мэргэжлийн зэрэг, цэргийн албаны зэрэг дэвийг ялгахын тул албан ёсоор олгосон хэргэм зэрэг, дэлгэрэнгүй...өргөмжлөл, дэс: генерал цол (цэргийн даргын эрхэм дээд дэс), жанжин цол (жанжин хэргэм) - Жанжин цол шагнав. С.Дашдэндэв. Улаан наран., цол хэргэм [хоршоо] (хэргэм зэрэг) - Миний энэ их цол хэргэм хэнд хэрэгтэй юм. С.Удвал. Их хувь заяа., алдар цол [хоршоо] (а. Нэр хүнд; б. Гавьяа шагнал) - Цогт баатар та нартаа, цол алдрыг өргөнө. Ц.Дамдинсүрэн. Түүвэр зохиол., цол гуншин [хоршоо] (а. Хүний байгуулсан гавьяагаа үнэлүүлж авсан алдар цуу, шагнал; б. Монгол бөхийн үндсэн цолон дээр чимэг болгон олгосон үгс) - Зүтгэсэн зүтгэлийнхээ хариу шан, цол гуншин, ашиг хишигт огт хүрэхгүй байв. “Утга зохиол урлаг” сонин;