Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ХЯЗГААР I

1. Улсын хил, орон нутгийн хилийн зааг, хил дагуух газар: хязгаар боомт газар (улс орны хилийн боомт дэлгэрэнгүй...

2. Алс хол, зах хөвөө: зах хязгаар [хоршоо] (а. Зах хөвөө - Дөрвөн зүг найман зовхист тоо томшгүй уулын шил, ой тайга үргэлжлэн, дэлгэрэнгүй... Б.Нямаа. Арандалынхан; б. Орон нутаг, улс хоорондын хил нийлсэн хэсэг; в. Эцэс, туйл, төгсгөл), зэлүүд хязгаар (хүн амьтангүй эзгүй хязгаар) - Тэгээд Гандан хүрээнд шавилан суухгүй, манай зэлүүд хязгаар нутагт юун их таалах болоо вэ? Ж.Пүрэв. Гурван зангилаа., нутаг хязгаар (нутгийн зах), хойд хязгаар (нутгийн хойд зах хязгаар), хөвөө хязгаар [хоршоо] (зах хязгаар) - Хөрст алтан дэлхийн хөвөө хязгаар нутагт, хөх цэнхэр далайн эрэг ирмэг газарт эмгэн өвгөн амьдран суудаг байжээ. Ц.Дамдинсүрэн. Түүвэр зохиол;

3. Юмны туйлын хэмжээ, төгсгөл: хязгаар тогтоох (юмны эцсийн хэмжээ, зааг тогтоох) - Энэхэн үед түүний нэр халхын хязгаарт дэлгэрэнгүй... Л.Түдэв. Алтан гадас чигийг заана., насны хязгаар тогтоох (насны зааг, хэмжээ тогтоох), үзүүр хязгаар [хоршоо] (юмны төгсгөл, дуусгавар), хэмжээ хязгаар [хоршоо] (а. Юмны барагцаалсан хэмжээ; б. Юмны туйлын хэмжээ), юм бүхэнд хэмжээ хязгаар гэж бий [зүйр цэцэн үг] (бүх зүйлд эцэс төгсгөл байдаг гэсэн санаа);

4. [шилжсэн] Хүсэл сэтгэлийн үзүүр - Эзэн хаан тэр чигээрээ мөнхийн рашаанд умбаж байгаа мэт хязгаар ихээр баясаж өгүүлрүүн. дэлгэрэнгүй...

хязгаар боомт газар	улс орны хилийн боомт орчмын газар
хязгаар нийлэх	хэд хэдэн улсын хил нийлэх
хязгаар нэвтрэх	хил нэвтрэх
хязгаар нутаг	алс хол нутаг
хязгаар нутгийг тохинуулах	улсын хил, алс нутгийг төвшитгөх, засах
улсын нутгийн хязгаар	улсын хилийн зааг орчмын газар
хил хязгаар	орон нутгийн хилийн зааг, алс хол газар
зах хязгаар	а. Зах хөвөө; б. Орон нутаг, улс хоорондын хил нийлсэн хэсэг; в. Эцэс, туйл, төгсгөл
зэлүүд хязгаар	хүн амьтангүй эзгүй хязгаар
нутаг хязгаар	нутгийн зах
хойд хязгаар	нутгийн хойд зах хязгаар
хөвөө хязгаар	зах хязгаар
хязгаар тогтоох	юмны эцсийн хэмжээ, зааг тогтоох
насны хязгаар тогтоох	насны зааг, хэмжээ тогтоох
үзүүр хязгаар	юмны төгсгөл, дуусгавар
хэмжээ хязгаар	а. Юмны барагцаалсан хэмжээ; б. Юмны туйлын хэмжээ
юм бүхэнд хэмжээ хязгаар гэж бий	бүх зүйлд эцэс төгсгөл байдаг гэсэн санаа