Амьд бие, бие хүн, нийгмийн бүлэг, бүхэл нийгмийн оршин амьдрахад зайлшгүй ямар нэгэн юмыг шаардах шаардлага - дэлгэрэнгүй...Ц.Амгалангийн оёсон олон төрлийн савхин хувцас өргөн дэлгэр орныхоо өнцөг булан бүрд түмний хэрэгцээнд очоод зогсоогүй дэлхийн олон оронд гарлаа. Г.Жамьян. Гал атгасан гар., хэрэгцээнд нийлүүлэх (хүний хэрэглээг хангах, эрэлт хэрэгцээг хангах) - Өнгө хэмжээ таармааргүй бол зэргэлдээ худалдагчаасаа хүртэл авчирч авах хүний хэрэгцээнд нийлүүлж өгөх гэж хичээдэг нь сайхан санагддаг билээ. Б.Ринчен. Өмнө этгээдэд зорчсон тэмдэглэл., хэрэгцээний өртөг (хүмүүсийн амьдралын хэрэгцээнд зарцуулах мөнгө төгрөг), хэрэгцээний юм (аж амьдрал, ажил хэрэгт зайлшгүй хэрэг болох юм) - Сургуулийн хэрэгцээний юмыг хоршооноос авалгүй дандаа тэр пүүсээс авдаг байна. Ц.Уламбаяр. Зовлон жаргал., хэрэгцээ шаардлага [хоршоо] (хүний аж төрөх, ажил хөдөлмөр эрхлэхэд хэрэгцээтэй шаардлагатай орчин нөхцөл, эд зүйл).