1. Юмны урт богино, өргөн нарийн, өндөр нам, хүнд хөнгөн, их бага зэргийн хэм - Ийм том хэмжээний уран гоё хийцтэй дэлгэрэнгүй...бурхан халхын бусад олон хүрээ хийдэд ховор үзэгддэг билээ. Ж.Дамдин. Үймээний жил., хэмжээ авах (юмны урт богино, хүнд хөнгөнийг зориулалтын багажаар хэмжиж тогтоох) - Хувцасны хэмжээ авч дуусжээ. Дожоодорж. Зүүний сүвэгч., хэмжээ өгөх (хэрэглэх зүйлийнхээ хэмжээг хэлж өгөх), хэмжээ тавих (юмыг хэмжиж тусгайлан тэмдэг тавих), хэмжээ тогтоох (хэмжээ хугацаатай болгох), хэмжээ хязгааргүй (маш их, хэмжихэд бэрхтэй), дээд хэмжээ (дээд хэмжүүр), ялын дээд хэмжээ авах (ялын хамгийн дээд заалтаар шийтгэл оноох), насны хэмжээ болох (а. Насны туйлд хүрэх; б. Нас эцэслэх) - Манай Лха бэйс дургүй ч гэсэн насны хэмжээ болж, ямар ч золиг гаргасан ер аврах аврал алга болж байгаа хэрэг. Б.Ринчен. Үүрийн туяа;, багцаа хэмжээ [хоршоо] (баримжаа, тойм жишиг), хэмжээ дамжаа [хоршоо] (хэр хэмжээ, багцаа баримжаа) - Яаж ингэж бидний санасанчлан хэмжээ дамжаа, өнгө үзэмжийг нь тааруулав аа! гэх мэтээр ам өрсөлдөн шуугилдана. Т.Рэнцэн. Шинэ даваа., хэмжээ дамжаагүй (а. Хэмжээ хязгааргүй, яаж ч хэмжихийн аргагүй; б. Жишсэн хэмжээнээс хол хэтэрсэн), норм хэмжээ [хоршоо] (хуваарилан тогтоосон баримжаа тоо), тоо хэмжээ [хоршоо] (а. Юмны олон цөөний баримжаа дүн; б. Юманд тоогоор тогтоосон дүн), хэмжээ хязгаар [хоршоо] (а. Юмны барагцаалсан хэмжээ; б. Юмны туйлын хэмжээ) - Магсаржав нэр төр их олж байгаагаар барахгүй, авгай хүүхнүүдийг огт таалдаггүй, архи уухдаа хэмжээ хязгаартай хэрэглэдэг байв. С.Удвал. Их хувь заяа., хэр хэмжээ [хоршоо] (чадал чинээ) - Аливаа юмны хэр хэмжээ гэж байдаг биз дээ? Тэгэхлээр эвдэрсэн тэрэгний муугийнх биш, эдэлсэн жолоочийн муугийнх биш үү? Ж.Бямбаа. Их аяныхан., хэмжээ тохой мэдэхгүй, хэргийн учир ялгахгүй [зүйр цэцэн үг] (юмны учир мэддэггүй гэсэн санаа);