Нэвтрэх
Ашиглах заавар
ХЭД
1. Юмны тоо хэмжээг асуух төлөөний үг: хэдий - Найз нь нөгөө муу хөвөнтэй хөх хүрмээ хэдэн жил өмслөө? дэлгэрэнгүй... -Хэдэн километр яваад байна? Л.Дашням. Бурхантын цэцэг., хэд хэдээр (хэд хэчнээнээр) - Нэг орж ирэхэд хүрээний хүүхнүүдийг ярина, үгүй бол аль пүүсэнд ямар дурдан гарсан, зах дээр ямар морь, гаанс хэдээр авснаа ярина. С.Удвал. Их хувь заяа., хэд хэчнээн [хоршоо] (юмны тоо хэмжээг асуух үг);
2. Өдөр гарагийг асуух үг - Энэ бол Ардын цэрэг Хүрээг эзэлж авсны дараахан бөгөөд чухам хэдний өдөр байсныг мэдэхгүй. дэлгэрэнгүй... энэ өдөр хэдэн бэ? (өнөөдөр хэдний өдөр вэ?);
3. Нэлээд цөөвтөр - Болдын адуу олон, тус тусгаар салах гажуу зөрүү морьд бас нэлээд, толгой мэдэж дураараа сарниж явах хөгшин гүү хэд бий. дэлгэрэнгүй...
4. Гаруй, нэлээд олон - Тэр орос улаан цэргүүд маш олон байсан бөгөөд одоо бодоход лав хэд хэдэн хороо дивиз цэрэг байсан болов уу. дэлгэрэнгүй..., хэд хэд ~ хэд хэдэн [хоршоо] (нэг бус, цөөн бус) - Заримдаг цөлийн бэлчээрийн ургамал нь хангай, тал хээрийн бүсийн бэлчээрийн ургамлаас ялгагдах онцлог хэд хэд бий. Ж.Самбуу. Мал маллагааны арга туршлага., хэд хэдэн сараар (олон сараар) - Хэд хэдэн сараар алгасах тул арга буюу бусдын ажил хийж амьдарна. Ц.Дамдинсүрэн. Гологдсон хүүхэн., хэд хэдэн удаа (нэг бус, нэлээд олон удаа) - Энэ тухайгаа мэдэгдэж Буяндэлгэрт хэд хэдэн удаа захидал бичсэн боловч захиа нь хүрсэнгүй. С.Дашдэндэв. Улаан наран., хэд хэдэн хувь (нэлээд олон хувь), хэд хэдэн хуудастай (нэлээд олон хуудас бүхий) - Хэд хэдэн хуудастай хүснэгт бүртгэл намын зорилго суртлыг багтаасан бичигтэй дэвтэр болжээ. Ж.Дамдин. Үймээний жил: хэд хэдэн хүн (нэлээд олон хүн) - Тэдний хэд хэдэн хүн мориноосоо салж зарим нэг нь шархадсан бололтой хэсэг хэсгээрээ овооролдон байгаа харагдана. Ц.Уламбаяр. Зовлон жаргал., хэдэн мянган (олон мянган) - Бид нар сайн хориглож, цөм нуувчиндаа орж амжвал хэдэн мянган дайсантай байлдаж чадна. Н.Батбаяр. Өндөр хатгасан туг., хэдэн хэсэг (олон хэсэг) - Төдөлгүй морьт хороо хэдэн хэсэг болон чулуурхаг гүвээ өөд яаран давхицгаав. Н.Банзрагч. Тал нутгийн хавар.
| хэд хэчнээн | юмны тоо хэмжээг асуух үг |
| хэд алхах | цөөхөн гишгэх |
| хэд балгах | цөөхөн балгах, бага зэрэг амсах |
| хэдэн аяга айраг | цөөн аяга айраг |
| хэд хоногийн дараа | цөөхөн хоногийн дараа |
| хэд хэд ~ хэд хэдэн | нэг бус, цөөн бус |
| хэдэн мянган | олон мянган |
| хэдэн хэсэг | олон хэсэг |
- Өргөн хэрэглээний үг
- Явцуу хэрэглээний үг
- Аман зохиол
- Нэр томьёо
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он