Түвэгтэй, бэрх хэцүү, ярвигтай: хүчир амьдрал (бэрх хэцүү амьдрал) - Хайртай сэтгэлтэй учраас аян дэлгэрэнгүй...дайны бэрх хүчир амьдралыг хуваалцан эдлэлцэв. Б.Ринчен. Гүнж., хүчир бодол (шийдвэрлэхэд хэцүү, учир нь олдохгүй санаа) - Сүхбаатар хүнд ажил, хүчир бодолд дарагдан нойргүй хонож сүрхий ядарсан боловч цог гэрэлтсэн хурц нүд өөдөөс ширтэж байлаа. Ч.Лодойдамба. Тунгалаг Тамир., хүчир зовуурь (хүнд хүчир аюул зовлон), хүчир үүрэг (бэрхтэй даалгавар) - Цэргийн яамны хүмүүст тушааж өгч, тулгар хүчир үүрэг гүйцэтгэв. Ж.Дамдин. Үймээний жил., хүчир бэрх [хоршоо] (хүнд бэрх, ярвигтай), хүчир бэрхшээл [хоршоо] (саад түвэг), хүнд хүчир [хоршоо] (дааж давшгүй, бэрхшээл ихтэй) - Багаасаа хатуужиж, хүнд хүчир ажилд дарагдахгүй болсон хүн юм гэж бодов. С.Эрдэнэ. Хонгорзул., хүчир гэмтнийг биеэсээ холдуул, хүссэн сайныг хүндлэн дуурай [зүйр цэцэн үг] (сайныг дээдэлж, мууг жигш гэсэн санаа).