1. Эрхэм чухал болгож хичээнгүйлэн хүндэлж үзэх - Магсаржавыг саяын байлдаанд эрэлхэг зоригтой байлдсанд нь ер нь дэлгэрэнгүй...ч байдлыг мэдэж ихэд хүндэтгэх болов. С.Удвал. Их хувь заяа., хүндэтгэн бараалхах (хүндлэл үзүүлж өөрийн биеэр уулзах), хүндэтгэн ёслох (хүндлэл үзүүлж ёс гүйцээх) - Шарилыг нь авч ирж, хүндэтгэн ёсолж оршуул! Ж.Пүрэв. Гурван зангилаа., хүндэтгэн үзэх (найрсгаар хандах), хүндэтгэн цайлах (хүндтэйд үзэн цай барих), зочныг хүндэтгэх (зочлон ирсэн хүнийг хүндтэйд тооцон ёс гүйцэтгэх) - Зочныг хүндэтгэн, сархад сөгнөж байсан өвгөн баатрын ганц хүү нүдэндээ галтай, нүүрэндээ цогтой Шуну болой. Б.Ринчен. Гүнж., ах дүүсээ хүндэтгэх (садан төрлөө дээдлэх) - Ах дүүсээ хүндэтгэдэг ёсоо алдаагүй. Б.Ринчен. Өмнө этгээдэд зорчсон тэмдэглэл., ахмадаа хүндэтгэх (ахас дээдсээ дээдлэх) - Одоо сансрын нисэгчид түүний байшинг өвөг дээдсийнхээ байшин шиг хайрлан хүндэтгэж байна. М.Чойжил. Андын нутаг алсдахгүй., төрийн бодлогыг хүндэтгэх (төр засгийн бодлогыг эрхэмлэн үзэх);