Хүний хүрч ирэх, юмны болох цагийг харж суух, саатах, хүлгэлзэх: хүлээж суух (саатан суух) - дэлгэрэнгүй...Гэртээ хариад хөгшнийхөө цайг хүлээж суухдаа л ингэж тавлаж байдаг байх даа гэж бодов. Ж.Бямба. Их аяныхан., хүлээж ядах (ихэд хүсэж мөрөөдөх) - Байдал мэдэхээр явсан Заяатыг хүлээж ядан бачимдан цухалдаж элдвийг бодож байна. Ц.Уламбаяр. Зовлон жаргал., ирэхийг хүлээх (хүрч ирэхийг нь азнан саатах) - Бэр ирэхийг хүлээе. Тэр ирээд цай чанах юм байгаа биз. Ц.Дамдинсүрэн. Түүвэр зохиол., түр хүлээх (хэсэг зуур саатах) - Түр хүлээж хэвттэл гэрийн үүдийг тайлж хэдэн хүн орж ирлээ. Ж.Дамдин. Үймээний жил., тэсвэртэй хүлээх (тэвчээртэй хүлгэлзэх) - Яамай даа, өөрийг минь тэсвэртэй хүлээдэг нэг хүнтэй болж дээ. С.Лочин. Сэтгэлийн өнгө., урин цагийг хүлээх (дулаарахыг харах, хүлгэлзэх) - Түүнийг чоно хүртэл хэлтэлж идэхэд хэцүү тэс хөлдсөнд яах ч аргагүйдэж, урин цагийг хүлээдэг юм. Л.Түдэв. Нүүдэл., хариу хүлээх (хариу ирэхийг хүлээзнэх) - Гомдож цөхөрснөө тоочлоо, хариу хүлээж ядаад гэснээ, ханьтай болсон гэлээ. Д.Гарамжав. Нэгэн өглөө., хүн хүлээх (хүн хүлгэлзэх) - За би Ховдын жасаанд суух гэж явна, та хүнээ хүлээгээд ирэхээр нь гэр орноо төвхнүүлээд миний хойноос очоорой. С.Удвал. Их хувь заяа., шөнийг хүлээх (шөнө болохыг хүлгэлзэх) - Тэгээд Хасбаатар сахлаа хусаж зүсээ хувилгаад дайсны дайтах шөнийг л хүлээж байв. Н.Батбаяр. Өндөрт хатгасан туг., юу хэлэхийг нь хүлээх (ямар зүйл хэлэхийг нь харах) - Да ноён дороо хавчганан нүд нь тогтуунгүй гөлөлзөж нэг л биш, Магсаржав юу хэлэхийг хүлээж хөөргөө гар дотроо эргэлдүүлэн сууна. С.Удвал. Их хувь заяа., *хоногоо хүлээх (хариугүй үхэх дөхөх), хүлээвэл хүндийг олно, сахивал сайныг олно [зүйр цэцэн үг] (тэсвэр тэвчээр гаргавал амжилтад хүрнэ гэсэн утга), хүлээсэн юм удаан, хөөсөн юм хол [зүйр цэцэн үг] (эхэлсэн үйл хэргээ амжилттай төгсгөж үр дүнг нь үзэхэд цаг хугацаа хэрэгтэй гэсэн санаа).