Нэвтрэх
Ашиглах заавар
ХУУЛЬ
1. Зүй тогтоолоор илэрч гарах жинхэнэ үнэн байдлын аливаа үзэгдлүүдийн хоорондын холбоо ба харьцах зүй тогтол, жам ёс: дэлгэрэнгүй...
2. Засаг төрийн дээд эрхийг барих байгууллагаас улсын хэмжээгээр бүх нийтийг заавал дагаж мөрдүүлэхээр баталсан албан ёсны дүрэм, журам: хууль дэлгэрэнгүй...
3. Нийтээр заавал дагаж журамлах ёстой гэж үзсэн зүйл: улсын төлөвлөгөө бол хууль (улсын төлөвлөгөө бол заавал биелүүлэх ёстой зүйл); дэлгэрэнгүй...
4. Сургамж баримтлал болгон хэлэх үлгэр, үг харьцуулал.
| байгалийн хууль | байгалийн аливаа үзэгдлүүдийн холбоо харилцаа, зүй тогтол |
| нийгмийн хөгжлийн хууль | нийгмийн хөгжлийн зүй тогтол |
| сэтгэхүйн хууль | сэтгэхүйн дотоод зүй тогтол |
| хууль бус | хууль зөрчсөн, хуулиас ангид |
| хууль бус этгээд | хууль цаазыг зөрчсөн хүн |
| хууль бусаар агнах | а. Ан амьтныг хориотой хугацаанд нь агнах; б. Агнахыг хориглосон ан амьтныг агнах |
| хууль боловсруулах | хуулийг найруулан зохиох, нягтлан үзэх, бэлтгэх |
| хууль гаргах | аливаа хуулийг тогтоон батлах |
| хууль зүйн зөвлөгөө | иргэд, хуулийн этгээдэд эрх зүйн асуудлаар өгөх мэргэжлийн зөвлөгөө, туслалцаа |
| хууль ёсоор | хуулийн дагуу |
| хууль санаачлах | зохих журмын дагуу, хуулийн төсөл боловсруулж, төрийн эрх барих дээд байгууллагад оруулж, хэлэлцүүлэх эрх, хууль ёсны боломж |
| хууль сахих | хууль ёсыг дагаж мөрдөх |
| хууль тогтоох | төр, засгийн дээд байгууллагаас хууль батлан гаргаж мөрдүүлэх |
| хууль хамгаалагч | прокурор |
| хуулиар аваачих | тогтсон хууль цаазаар таслан шийтгэх |
| хуулиар засах | төрийн бодлого явуулахдаа аливаа явдалд нарийн тодорхой хууль тогтоож, тэр хуулийн ёсоор шийдвэрлэх |
| хуулиар захирах | хуулийн дагуу захиран шийтгэх |
| хуулиар үзүүлэх | эрүүдэх |
| хуулиар хамгаалах | хуульд заасны дагуу хамгаалах |
| хуулиар шийтгэх | хуулийн дагуу шийтгэх |
| хуулиар шийтгэгдэх | хуулийн дагуу шийтгэл хүлээлгэх |
| хуулийн байгууллага | хууль цаазыг хэрэгжүүлэх үүрэг бүхий албан газар |
| хуулийн бичиг | иргэний хуулийн бичиг, эрүүгийн хуулийн бичиг гэх мэтийн тухайн хэрэгцээнд тохируулан эмхэтгэсэн ба нэмэлт өөрчлөлт оруулсан ямар нэгэн хууль |
| хуулийн зөвлөгч | хууль зүйн зөвлөгөө, туслалцаа үзүүлэх албан байгууллагын хууль зүйн үйлчилгээ хариуцсан мэргэжлийн албан хаагч |
| хуулийн нас | хуулийн эрх эдлэх, эдлүүлэхээр зааж тогтоосон нас |
| хуулийн танхим | хэрэг заргыг шүүн таслах газар |
| хуулийн төлөвлөгөө | аливаа хуулийг зохиож боловсруулсан төсөл |
| хуулийн суртал нэвтрүүлэг | гэмт хэрэг, түүнээс урьдчилан сэргийлэх, хуулийн мэдлэгтэй болгох зорилгоор олон түмний дунд явуулж буй суртал нэвтрүүлэг |
| хуулийн хариуцлага | хуулийн өмнө хүлээвэл зохих хариуцлага |
| хуулийн эмнэлэг | хуулийн холбогдолтой асуудлыг шийдвэрлэх анагаах ухааны нэг салбар |
| хуулийн эмч | эрүүгийн хэргийг хуулийн талаар шийдвэрлэдэг эрх бүхий эмч |
| иргэний хууль | ард иргэдийн хоорондын эрх үүрэг, харьцаа, хариуцлага учир холбогдлыг тодорхойлсон дагаж шийтгүүлэх хууль |
| үндсэн хууль | аливаа улсын гол тулгуур хууль |
| төрийн хууль | улсын хууль |
| төрийн хэлний хууль | хэлний талаар, төр засгаас баримтлах бодлогын тухай хууль |
| хөдөлмөрийн хууль | ажилчин албан хаагчдын хөдөлмөрлөх эрх, үүргийн тухай хууль |
| эрүүгийн хууль | шийтгэвэл зохих гэмт хэргүүдийг тодорхойлон, хэрэгтэн этгээдүүдэд оноох ял шийтгэл заасан хууль |
| хуулийн цаг хугацаа | тухайн газар нутгийн бүсийн цаг |
| хууль дүрэм | хууль, тогтоол зэргийн ерөнхий нэр, албан ёсоор баталж хуульчилсан журам |
| хууль дэглэм | нийтээр дагаж мөрдөх журам ёс |
| хууль зарлал | төрийн эрхт байгууллагаас нийтэлсэн хууль цааз ба заавар зарлиг зэргийн ерөнхий нэр |
| хууль ёс | төрийн хууль, түүнд үндэслэн гаргасан эрх зүйн актыг нэг мөр сахин биелүүлэх ажиллагаа |
| хууль зүй | хууль ёс |
| хууль тогтоол ~ хууль тогтоомж | тухайн орны хууль тогтоох байгууллагаас батлан гаргасан, эрх зүйн баримт бичгүүдийн цогц |
| хууль цааз | а. Тогтсон дүрэм журам; б. Оноосон ял |
| хууль цаазач | хуулийн мэргэжилтэн |
| хууль цаазын сургууль | хууль цаазын ухаан судлах сургууль |
| хууль цаазын газар | хууль, шүүх байгууллага |
| хууль цаазын ухаан | засаг төр, шүүх цаазыг судалдаг шинжлэх ухаан |
| монголын хууль гурав хоног | дүрэм журмаа барьдаггүй, биелүүлдэггүй гэсэн санаа |
| хууль гууль болж цааз нь цаас болох | шударга хууль байхгүй болох гэсэн санаа |
| хууль мэдэхгүй бол хэрэг битгий шүү | хуулийн мэдлэггүй бол хуульч байх хэрэггүй гэсэн санаа |
| хуулийг хуураад барахгүй хурыг зөөгөөд барахгүй | шударга ёсыг баримтал гэсэн санаа |
| хуульд цэцэн нь дээр хатанд тэнэг нь дээр | хуульч хүний ухаан сэргэлэн, үг хурц оновчтой байх ёстой гэсэн санаа |
| улсын төлөвлөгөө бол хууль | улсын төлөвлөгөө бол заавал биелүүлэх ёстой зүйл |
Мэдээлэл
Бусад
Сошиал сайт
Толийн тухай
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он