1. Юмны алсад үзэгдэх овор байдал; алсаас үзэгдэх дүрс, хэмжээ: алсын бараа (юмны алсад үзэгдэх дэлгэрэнгүй...байдал) - Бас нэг гүвээ давж алсын бараа харав. Ц.Уламбаяр. Зовлон жаргал., бараа гарах (а. Чухам юу гэх аргагүй юм холоос гарч ирэх; б. Тод том болж харагдах; в. Бараг төлөв нь бүтэх), бараа тасрах (а. Арилах, тонилох; б. Холдох, харагдахгүй болох; в. Мөр тасрах, ирэхээ болих), бараа харах (а. Овор царааг ажиглах; б. [шилжсэн] Дэм тус, тухыг хүсэх: гэрийн бараа харах (гэр лүүгээ тэмүүлсний эцэст гэртээ ирэх), ор дэрний бараа харах (туйлдан ядарч нойр хоолоо хасан ажилласны эцэст унтаж амрах); в. [шилжсэн] Байдал юу болохыг ажиглан хүлээх), бараа бараагаа харах (холоос бие биеэ харах), барааны газар (холын буюу 1020 км доторх зай), бараа туруугүй арилах (ор мөргүй алга болох), бараа сураг [хоршоо] (а. Үзэгдэж харагдах байдал; б. Хэл мэдээ) - Тэр лүү явж очтол газар ч бүр бараа сураг алга. Монгол ардын үлгэр., бараа сүр [хоршоо] (а. Гадаад байдал - Гэрийн дотор байгаа тэр хоёр хүнийг бараа сүрээр нь ч гэсэн, байдал төрхөөр нь ч гэсэн зүйрлэн бодвол... С.Дашдооров. Говийн өндөр., б. Юмны алсаас үзэгдэх байдал), бараа сүүдэр [хоршоо] (юмны үзэгдэх овор байдал, түүний тусгал), бараа талиа [хоршоо] (үзэгдэх, харагдах байдал) - Хоёул хамт бараа талиагүй оргожухуй. Эрт эдүгээгийн гайхамшигт сайхан үзэгдэл хэмээх судар., бараа чимээ [хоршоо] (харагдах байдал, сонстох дуун) - Хол ойрын бараа чимээ байх эсэхийг үзүүлбээс ямар вэ? Замлин Сэнчиний намтар оршив., хараа бараа [хоршоо] (харалдаа, бараа бараандаа), цараа бараа [хоршоо] (юмны овор хэмжээ), *гэрийн бараа харахгүй болох (гэртээ ирэхээ болих), бараа бараандаа сууж, будаа будаагаа идэх [зүйр цэцэн үг] (хувь хувиа хөөж, хэн хэндээ түвэг болохгүй байх);