Юм аяндаа хураагдах, нэмэгдэх, ихсэх - Долгорын сэтгэлд амьдралын хүсэл эрмэлзэл аажим боловч зогсолтгүй дэлгэрэнгүй...хуримтлагдан том болсоор байлаа. Ч.Лодойдамба. Тунгалаг Тамир., мах өөх хуримтлагдах (мах өөх улам нэмэгдэх) - Зун намрын улиралд ургамлын шимт бодис бүрэн байхад малын биед мах өөх хуримтлагдан хүч тарга авна. Ж.Самбуу. Мал маллагааны арга туршлага., өтөг бууц хуримтлагдах (малын өтөг бууц хураагдах, ихсэх) - Хорь гучин жилийн өтөг бууц хуримтлагдсаар байгаад пэмбийсэн хар юм болж, хонхор газар нь төвийжээ. Л.Түдэв. Нүүдэл., хог новш хуримтлагдах (хог новш хураагдах, ихсэх), эд хөрөнгө хуримтлагдах (эд хөрөнгө улам нэмэгдэх).