Удаж, хуримтлагдсан юм: хур азарга (а. Азарга тавьсан цагаас биед нь гар хүрээгүй эмнэг азарга; б. дэлгэрэнгүй...Хур дэлтэй азарга), хур аргал (тухайн жилдээ түлж бараагүй үлдсэн аргал), хур баян (үе улиран хуримтлуулж цуглуулсан эд хөрөнгөтэй хүн), хур бэлчээр (а. Ерөөс мал ороогүй нөөц бэлчээр; б. Жилийн жилдээ нөөцтэй байдаг бэлчээр), хур гуниг (удаан хугацааны гуниг) - Нүүрт нь хур гуниг шингэсэн ямар хачин хүүхэн бэ. Ч.Лодойдамба. Тунгалаг Тамир., хур дэл (а. Морь малын мундааны орчмын хяргаагүй үлдээсэн хэсэг; б. Хяргалгүй жил өнжүүлсэн дэл - Хорь гаруй насны, шөвгөр туранхай, хүрэн цоохор царайтай хархүү, хур дэлтэй хөх бор морин дээр жишүүхэн суужээ. Ц.Уламбаяр. Зовлон жаргал), хур таргатай мал (удаан хугацаагаар унаж эдлэлгүй таргалуулсан мал), хур нар (зун, намрын үд дундын хурц нар), хур өвс (урьд жил нь хэрэглээгүй өнжмөл өвс) - Ийнхүү шинэ ногоо, хур өвс холимог бэлчээрт адууг идээшлүүлэх нь амархан тэнхэрч үе гишүү нь чангарна. Ж.Самбуу. Мал маллагааны арга туршлага., хур орох (а. Мал сүрэг хур таргатайгаар онд орох; б. Бороо цас орох), хур салаа (элэгдсэн модноос дахин ургасан, нарийн салаа мөчир), хур сонгино (тарьсан газартаа жил өнжиж ургасан сонгино), хур тавих (морь, унаа зэргийг хэдэн жилээр унаж эдлэхгүйгээр сүрэгт нь тавих), хур тарга (тарга алдалгүй онд орсон малын хуучин тарга) - Хүч тарга сайн тогтож, онд нэлээд хур таргатай ордог болно. Ж.Самбуу. Мал маллагааны арга туршлага., хур тариа (а. Хуучин гуурснаас ургасан тариа; б. Жил удаан хадгалсан тарианы зүйл), хур хөрөнгө (олон жил хурааж цуглуулсан эд хөрөнгө), хур хүч (тэжээвэр малын жил өнжсөн тарга) - Адууг усанд холоос тууснаас болж, хур хүч нь буурах, нялх унага сульдах, улдах гүү тамирдаж сүү шим нь татрах зэрэг талтай. Ж.Самбуу. Мал маллагааны арга туршлага., хур цас (салхи, нарны нөлөөнөөс тусгаарлагдсан газарт, жилийн турш болон улирлын цасан бүрхэвч тогтдог хугацаанаас удаан хугацаагаар хайлдаггүй цас) - Хур цаснаас арайхийн салж, байсан газар нутаг нэлийж цайтал цасанд дарагдлаа. П.Лувсанцэрэн. Хөдөөгийн дуун., хур чийг (бороо тасралтгүй орж байсан газрын хөрсний чийг) - Хур бороо ахиу орсон буюу хуучин хур чийгтэй нутаг бэлчээр лүү нүүх хуваарь төлөвлөгөө гаргах хэрэгтэй. Ж.Самбуу. Мал маллагааны арга туршлага., хур тарган эцдэггүй, хурга үр салдаггүй, баз тарган эцдэггүй, багын үр салдаггүй [зүйр цэцэн үг] (хур хүч таргатай мал амьтан амархан эцэж, турдаггүй гэсэн санаа).