Гол гэсэртэн овгийн, дээд хэсэгтээ салаалсан нэлээд өндөр иштэй, нарийн сагстай олон наст өвс: дээврийн дэлгэрэнгүй...банга [ургамал] (нарийхан үндэстэй, 12-60 см өндөр иштэй, хавар, зун адуу, тэмээ, үхэр дунд зэрэг иддэг, нэг наст өвслөг ургамал), алтан банга (энгийн ганц сагстай иштэй, суурийн навчинцар илтэстэйгээ чацуу бариултай, тагийн хад асга, хаг хөвдөт хяр цармын банга), бунгийн банга (иш нь үзүүртээ салаалсан 2-7 сагстай, сайр, бургасан шугуй, эргийн хужирлаг нуга, цахилдагт нугын банга), сибирийн банга (520 см өндөр ишний навч их жижиг, үндэс орчмоороо бүтэн ирмэгтэй буюу таруу жижиг шүдлэг бүхий салбант навч олонтой, шар цэцгийн нь суудал богино, цацаг сормууслаг, шинэсэн ой, түүний зах, голын эргийн бургасан шугуй, хусантөгөлд ургагч банга), тахир банга (жижигхэн бамбайрхуу багцагтай, ёзоороосоо салаалж мөчирлөсөн олон дэрвэгэр салаа иштэй, үндэс орчмын болоод суурийн жигд бус онин шүдлэг, өдлөг хагалбар, заримдаа өдлөг цуулбар, дун хэсгийнх нь нарийн шугаман юлдэрхүү юм уу шугамандуу, бүтэн  захтай навч нь эрт унадаг, уулын хээрийн хайрга чулуурхаг хажуу, хад чулуу, эргийн хайрга, сайрын ирмэгээр ургадаг, бог мал сайн иддэг банга), шар банга (135 см өндөр, иш нь навчирхаг, үндэс орчмын навч бариулын хамт 2-8 см, гонзгой, зуувгар, өндгөн юмуу юлдэрхүү, таруу жижиг шүдлэг болоод хааяа өдлөг салбантай, буруу-онин шүдлэг, шар цэцгийн нь суудал бяцхан үүртэй, хана нь үзүүртээ богино сормууслаг, үрэнцэр улаан хүрэн, эргийн хужирлаг нуга сайр, хээрийн бэл, асга хад, нураг чулуун дунд ургадаг банга).