Нэвтрэх Ашиглах заавар
А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я
ХУАР

1. Цэцэг - Түмэн өнгийн цэцгийн хуар эрээлжлэн байна. Л.Содов. Хаврын дэлгэрэнгүй...., цэцэг хуар [хоршоо] (цэцэгт ургамлын бэлгээр үржих эрхтэн буюу цэцэг);

2. Гоёл чимэглэл болгосон цэцгийн дүрс, хээ угалзын зүйл: хуар гарах (а. Юманд хээ угалз гаргах; б. Бодоо өвчин туурах), хуар дэлгэрэнгүй... (а. Юман дээр элдэв хээ угалз хатгах, сийлэх, зурах; б. Хэрэг явдалд элдэв арга башир гаргах), хуарын утас (хуар хатгахад хэрэглэдэг олон өнгийн утас), хуар хатгах (а. Элдэв өнгийн утсаар торго, бөс зэрэг дээр цэцэг хуар, ан амьтан, хээ угалз зэргийг шаглах, оёх; б. Толгойдоо цэцэг зүүх), үйтэн хуар (цулгуй өнгөнд хээ товолгойж үйлдсэн нэгэн зүйл зузаан торго) - Гэрийн хойморт, тохмон чинээ хивсэн дээр, нийлэг цагаан алчууртай, үйтэн хуар дээлтэй авгай хөл жийн сууж, амандаа элдвийг үглэх ажээ. Д.Цэдэв. Айргийн амт., зураг хуар [хоршоо] (юмны дүр төрх, гоё ганган байдлыг буулгасан дүрс), угалз хуар [хоршоо] (зурж сийлсэн, гоёмсог хэлбэртэй чимэглэл), хээ хуар [хоршоо] (угалз хээ, цэцэг) - Тайзны дотоод заслын хөшгийг тусгай шинэ янзаар үйлдэж түүний дээр монгол үндэсний элдвийн гоёмсог хээ хуаруудыг барлан хэвлэж чимэглэнэ. Ши. Аюуш. Түүвэр зохиол., *зураг хуар шиг (гоё, хээнцэр, дэгжин) - Зургийн хуар шиг Богд ширээн дээрээ заларна гэж дуулснаа ярив. Ц.Уламбаяр. Зовлон жаргал;
3. [шилжсэн] Бодоо өвчний цээрлэсэн нэр.

цэцэг хуар цэцэгт ургамлын бэлгээр үржих эрхтэн буюу цэцэг
хуар гарах а. Юманд хээ угалз гаргах; б. Бодоо өвчин туурах
хуар гаргах а. Юман дээр элдэв хээ угалз хатгах, сийлэх, зурах; б. Хэрэг явдалд элдэв арга башир гаргах
хуарын утас хуар хатгахад хэрэглэдэг олон өнгийн утас
хуар хатгах а. Элдэв өнгийн утсаар торго, бөс зэрэг дээр цэцэг хуар, ан амьтан, хээ угалз зэргийг шаглах, оёх; б. Толгойдоо цэцэг зүүх
үйтэн хуар цулгуй өнгөнд хээ товолгойж үйлдсэн нэгэн зүйл зузаан торго
зураг хуар юмны дүр төрх, гоё ганган байдлыг буулгасан дүрс
угалз хуар зурж сийлсэн, гоёмсог хэлбэртэй чимэглэл
хээ хуар угалз хээ, цэцэг
зураг хуар шиг гоё, хээнцэр, дэгжин

ХӨРШ ҮГ

бичиг орчуулах

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я
contact@mongoltoli.mn

Мэдээлэл

Бусад

Сошиал сайт

Толийн тухай

Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.

www.Menksoft.com

Тус толийн талаарх санал хүсэлтээ
contact@mongoltoli.mn хаягаар ирүүлнэ үү.

© Монгол хэлний их тайлбар толь 2016 он