1. Шингэн юмны дотоодод хий орж цөврүүтэн хөвсөн юм: хөөс замхрах (хөөс сарнин алга болох), дэлгэрэнгүй...хөөс тогтох (хөөс бий болох), хөөс сагах (хөөс улмаар дэврэн хөөрөх), хөөс цахрах (амьтны амнаас хөөс хөврөн гарах), хөөсөн цавь (цавины нугалааны орчин газар), хөөсөн чулуу (савангийн чулуу), хөөсөн хаа хатгах (адууны урд хөлд цус бууж доголдог өвчний үед богтосноос дээш, харьтны их түрүү, далны тогооны доод талын хуруу дарам хонхорхойд үзүүр сөөм хатган эмчилдэг ардын мал эмнэлгийн арга), хөөсөн хуванцар (хийгээр хангаж хатууруулсан хуванцрын нэгэн төрөл), далайн хөөс (а. Далайн усны захаар тогтох хий орж цөврүүтэн хөвсөн юм; б. Сувд мэт байдалтай хиймэл зүйл), савангийн хөөс (саванг шингэлэн гуурсаар үлээхэд цөврүүтэн гарах юм), сүүний хөөс (сүү дөвийлгөхөд хий орон цөврүүтэх юм), усны хөөс (усны захаар цөврүүтэн хөвсөн юм) - Хадан дээгүүр шуугин урсах тунгалаг усны сувдан хөөс харан суув. Ж.Пүрэв. Гурван зангилаа;