Атаархан тэсэж ядан хорсох сэтгэл: хор буцлах (атаархах сэтгэл ихэд хөдлөх) - Би нэг өдөр хор дэлгэрэнгүй...буцалж, их хүргэний нүүрэн дээр нь үнэнийг нь хэлэв. С.Эрдэнэ. Хотын бараа., хор хөдлөх (ямар нэг зүйлийг санасандаа хүртэл хийж чадаагүйдээ хорсон тэчьяадах) - Хулан бид хоёрын хэлэлцэж байсан, хүсэн мөрөөдөж байсан юм ёсоороо болсон юм байхгүй боловч Цамбад хор хөдөлснөөс болоод би харин овоо эр хүн шиг зориг шийдэмгий болсон ч байж мэднэ. С.Эрдэнэ. Хулан Цамба хоёр., хор ихтэй хүн (атаархал сэтгэл ихтэй хүн), хорыг нь маажих (хорыг нь малтах, шарыг нь гозойлгох) - Хорлоо одоо хэр нь үг өдөж, хор маажна. З.Баттулга. Сийнэн дуулж байна., хорыг нь малтах (тэчьяадам үгээр басамжлан эгдүүг нь хүргэх, муу үг хэлж унтууцуулах), хорондоо (санаснаа гүйцэлдүүлэх), хорын тулам (хорт санаа бодол ихтэй хүн), хорын уут (хорын тулам), атаа хор [хоршоо] (бусдын давуутай байдалд мөчөөрхөн тэчьяадах сэтгэл), хор хар [хоршоо] (атаа хорсол) - Хор хар ихт хүний үгийг ердөө сэргийл. Ардыг тэжээхүй дусал хэмээх шастир., хор шар [хоршоо] (атаа хорсол, хор хөдөлснөөс болж гаргах муу зан авир), *хор буцлах (бусдаас дутахгүй юмсан гэж тэчьяадах) - Би нэг өдөр хор буцалж, их хүргэний нүүрт “Чам шиг луйварчныг дарж авах хуулийн газар бий шүү” гэж шууд хэлсэн юм. С.Эрдэнэ. Хотын бараа., *хор шар нь буцлах (хор буцлах) - Хор шар нь буцалж гүйцсэн тэр хүү, охиныг нь ёстой л шилийн хулгайн аргаар оргуулчихъя гэж шийдэв. Ш.Гаадамба. Тэрэгчний хүү., *хор маажих (хүнийг үгээр басамжлан доромжилж атааг нь хөдөлгөх) - Хорлоо одоо хэр нь үг өдөж хор маажна. З.Баттулга. Сийнэн дуулж байна., *хор шарыг нь малтах (хор маажих) - Арга ч үгүй, дарга хүн дагаж явах сайхан байлгүй яах вэ гэж Бат хор шарыг нь малтахад Эрдэнэчимэгийн уур дүрсхийн шатав. Н.Банзрагч. Аадрын дараа., *хор шар хөдлөх (хор шар буцлах) - Тэгээд зориуд ирсэн хэрэг биз гэж Дэлэгийн хэлсэн нь түүнийг хор шарыг буцалгаж оволзуулжээ. Тэгэхэд би үнэндээ хүний хор шар хөдлөхөөр ч ажиллаж байсан юм. Ж.Дамдиндорж. Ёстой сайн хүн., эр барагдавч, хор барагдаагүй [зүйр] (нас өтлөвч муу санаа нь хэвээрээ гэсэн санаа).