1. Тэмээнд ачаа ачихад нуруу зоог нь хамгаалж бамбайлан нөмөргөх эсгий: хом түших (тэмээ хомноход дэлгэрэнгүй...туслах) - Одоо байтлаа хонины зах эргүүлж, хом түших хүн олдохоо байх нь ээ. “Цог” сэтгүүл., хомын бамбай (тэмээ хомнох эсгий жийрэг, тохом) - Хомын чинь бамбай зүгээр байна гээд тэрхэн зуур бамбайг дундуур нь хайчлав. П.Хорлоо. Багш., хомын найр (тэмээг ачлага уналга, эдэлгээнд сургахаар анх удаа хомноход хийдэг найр), хомын ширдэг (хомын оронд хэрэглэх эсгий ширдэг) - Баруун хоймор хар ямаан адасга дээр хомын бор эсгий ширдэг дэвсэж, өмнө нь аяганы жижиг ширээ тавьжээ. Б.Чойндон Галбын говьд., хом шат [хоршоо] (тэмээний ачлагад хэрэглэх тоног хэрэгсэл) - Тэмээн тэнгийн нуруу ачих хом шат бэлтгэв. Н.Лесков. Зовлонгийн далай., хомтой хонох гээд хоосон суух [зүйр цэцэн үг] (ихэд дурлаж байж хоосон хоцрох);