Бусдыг муушаан эв эвдрэлцүүлэх муу үг: хов зөөх (бусдын тухай элдэв муу үгийг хоёр этгээдэд дэлгэрэнгүй...
дамжуулах, хов хэлэх), хов үг (хүмүүсийг хооронд нь муутгах сул үг) - Арга зальтан хов үгээр амраглан ханилсныг хагацуулах нь алстаа өөрт тусгүй. Зуун билиг., ховын тулам болох (хов ярих, хов зөөхдөө гаргуун болох), ховын хэрээ [ёгт] (ховч хүн), хов хөөцөлдөх (а. Дэл сул үг яриаг хэн нэгнээс дуулснаа нөгөөд ярих; б. Хэн хов хутгаж явааг олох гэж улайрах), хов хэлэх (нэгийг нөгөөд нь муу хэлэх, хүний хэлсэн ярьсныг нөгөөд дамжуулан хэлэх), хов жив [хоршоо] (хүмүүсийг хооронд нь муудуулах үг, яриа) - Пил өвгөний самган хоол хийлгэж гэнэ гээд л хов жив гарна түвэг, түвэг. Л.Түдэв. Нүүдэл., хов шив [хоршоо] (хов жив) - Бусдын муу үг цөмийг хов шив гэж үзнэ. Ч.Алтангэрэл. Монгол зохиолчдын төвөдөөр бичсэн бүтээл., хов хач [хоршоо] (хүмүүсийг хооронд нь муутгах хов үг), хов жив хэлснээр хүнээ барна, ихэр шихэр идсэнээр хүнсээ барна [зүйр цэцэн үг] (хов жив хөөцөлдвөл нэр хүндгүй болно гэсэн санаа), хов үг ёртой, хутганы үзүүр шортой [зүйр цэцэн үг] (хов үг хөөцөлдөх нь муу, ёр дагуулдаг гэсэн санаа).хов зөөх | бусдын тухай элдэв муу үгийг хоёр этгээдэд дамжуулах, хов хэлэх |
хов үг | хүмүүсийг хооронд нь муутгах сул үг |
ховын тулам болох | хов ярих, хов зөөхдөө гаргуун болох |
ховын хэрээ | ховч хүн |
хов хөөцөлдөх | а. Дэл сул үг яриаг хэн нэгнээс дуулснаа нөгөөд ярих; б. Хэн хов хутгаж явааг олох гэж улайрах |
хов хэлэх | нэгийг нөгөөд нь муу хэлэх, хүний хэлсэн ярьсныг нөгөөд дамжуулан хэлэх |
хов жив | хүмүүсийг хооронд нь муудуулах үг, яриа |
хов шив | хов жив |
хов хач | хүмүүсийг хооронд нь муутгах хов үг |
хов жив хэлснээр хүнээ барна ихэр шихэр идсэнээр хүнсээ барна | хов жив хөөцөлдвөл нэр хүндгүй болно гэсэн санаа |
хов үг ёртой хутганы үзүүр шортой | хов үг хөөцөлдөх нь муу, ёр дагуулдаг гэсэн санаа |
Тус толь нь Мөнхгал компанийн зөвшөөрлөөр монгол бичгийн 'Menksoft 2012' үсгийн тиг хэрэглэж байна.
Тус толийн талаарх санал хүсэлтээ
contact@mongoltoli.mn хаягаар ирүүлнэ үү.
© Монгол хэлний их тайлбар толь 2016 он