Тогтмол цагт батлагдсан хөтөлбөрийн дагуу, мэргэжлийн багшийн удирдлага дор хийж байгаа сургууль: хичээл дэлгэрэнгүй...давтах (сургуулиар эзэмшсэн мэдлэгээ давтан баталгаажуулах) - Хичээл давтахдаа цагийн хуваарь баримтална. Ч.Лхамсүрэн. Түүвэр зохиол., хичээл заах (тогтоолтой цагт сургууль явуулах) - Овжин сэргэлэн болохоор түүний зааж байгаа хичээл нь ойлгомжтой, бас сонин. П.Лувсанцэрэн. Хөдөөгийн дуун., хичээлийн жил (тодорхой хугацаанд үргэлжлэх хичээл хийх үе), хичээлийн сэдэв (хичээлийн товч агуулга), хичээлийн хуваарь (хичээлийн хувааж салгасан хувь), хичээлийн хэрэгсэл (хичээлд хэрэглэх зүйл), хичээлээс гадуур (хичээлийн цагаас бусад үед), хичээлээс чөлөө авах (хүндэтгэн үзэх шалтгааны учир хичээлд суухгүй байх зөвшөөрөл авах), дадлагын хичээл (сурч мэдсэнээ амьдрал дээр туршиж үзэх хичээл), нэмэлт хичээл (сурах ёстой зүйл дээрээ дэлгэрүүлэн үзэх хичээл), сүүлчийн хичээл (а. Тухайн өдрийн юмуу жилийн хамгийн эцсийн хичээл; б. Сургууль төгсөх хамгийн эцсийн хичээл), хичээл ном [хоршоо] (а. Сурч мэдсэн зүйл; б. Юм сурч мэдэх газар) - Хорлоо хичээл номоо уншиж байснаа хүүгийнхээ дэргэд ирж суулаа. Д.Цэдэв. Айргийн амт., хичээл сурлага [хоршоо] (а. Сурч мэдсэн хэр хэмжээ; б. Хичээл ном) - Зөвхөн хичээл сурлагадаа онц төдийгүй ажил хөдөлмөрт сайн гэсэн. Ч.Лхамсүрэн. Түүвэр зохиол., хичээл сургууль [хоршоо] (а. Тогтмол цагт батлагдсан хуваарийн дагуу хийх сургууль; б. Эрдэм ном сурах газар).