Монгол хэлний их тайлбар толь

А Б В Г Д Е Ё Ж З И К Л М Н О Ө П Р С Т У Ү Ф Х Ц Ч Ш Э Ю Я

ХАРШУУЛАХ I

1. Харилцан эсрэгцүүлэх, харьцуулах: харшуулан үзэх (сөргүүлэн үзэх);

2. Хатуу юмыг хооронд нь үрэлдүүлэх, харгаах - Чү гэж чимээ өгмөгц хар морь тээрмийн дугариг чулууг харшуулан эргүүлж, хад хайрга нь ил гартлаа дэлгэрэнгүй... Д.Мягмар. Тээрэмчин., дөрөө харшуулах (а. Морьтой зэрэгцэн яваа хүмүүсийн дөрөө нь өөр хоорондоо харшин дуугарах - Аюур тайж хажуудаа дөрөө харшуулан давхилдах хүмүүст хандан, -“Буудаж болохгүй шүү, эхнэрийг минь алчих вий та минь” гэж хашхирах дуу морины салхинд тасалдан сонстоно. Б.Догмид. Нэхэл хатуу орчлон; б. [шилжсэн] Ажил үйлс нь эн тэнцүү амжилттай байх).

харшуулан үзэх	сөргүүлэн үзэх
дөрөө харшуулах	а. Морьтой зэрэгцэн яваа хүмүүсийн дөрөө нь өөр хоорондоо харшин дуугарах; б. [шилжсэн] Ажил үйлс нь эн тэнцүү амжилттай байх