1. Дотночлох сэтгэл, хайрлах сэтгэл: хайр булаах (дур татах, хайрлах сэтгэлийг машид төрүүлэх), дэлгэрэнгүй...хайр зарлах (а. Хайртайгаа хэлэх, хайр сэтгэлээ илчлэх; б. [этгээд] Ажил хэргээ бүтээхийн тулд бусдыг дотночлон гуйх, тал засах), хайр ихтэй (маш хайртай, маш янаг), хайр хүрэх (дотнолох сэтгэл төрөх), хайрын сэтгэл (янагийн сэтгэл, дотнын сэтгэл), халуун хайр (маш дотно сэтгэл), эхийн хайр (эхийн энэрэл, өрөвч сэтгэл), халуун хайр (маш дотно сэтгэл), хайр дур [хоршоо] (хайрлах хүсэл санаа), хайр дурлал [хоршоо] (янаг амрагийн дотночлох сэтгэл), хайр сэтгэл [хоршоо] (дурлан, хайрлах сэтгэл), хайр энэрэл [хоршоо] (өрөвдөн хайрлах сэтгэл), хайр элбэрэл [хоршоо] (эцэг эх, төрөл садан, үр хүүхдээ хүндэтгэн хайрлах, дотносох сэтгэл), хайраа дотроо, халаа гаднаа [зүйр цэцэн үг] (монголчуудын хүүхэд хүмүүжүүлэх арга, хүүхдийг хэт эрхлүүлэх хэрэггүй гэсэн санаа);