ҮХЭХ

1. Амьд биеийн амь тасрах, амьгүй болох: баатарлагаар үхэх (ямар нэг үйл хэргийн төлөө эрэлхэг дэлгэрэнгүй...


2. Ургамал ус, чийгээр дутаж гандаж хатах - Тасалгааны цэцгийг удаан хугацаагаар орхихдоо чийгтэй даавуу саванд нь дүрж орхивол үхэхгүй. дэлгэрэнгүй...
баатарлагаар үхэх ямар нэг үйл хэргийн төлөө эрэлхэг зоригтойгоор амь насаа алдах
боож үхэх өөрийгөө боомилон алах
зуурдаар үхэх өвчний улмаас үхэх, цаг бусаар үхэх
өлсөж үхэх өлссөнөөс болж амиа алдах
үхсэн амьдын хооронд а. Ухаангүй байх; б. Сулбайх, унжийх, ядрах; в. Дорой үхээнц байх; г. Айснаас болж яахаа мэдэхээ болих
үхэх өтлөх хөгшрөх, нас эцэслэх
үхэх сэхэх а. Өөдлөх уруудах; б. Ялах ялагдах; в. Амьдрах үхэх
үхэх сэхэхээ үзэх а. Ана мана үзэх, ажил явдлын бүтэх бүтэхгүйг харах; б. Ширүүн зодолдох, ширүүн тулалдаж ялах ялагдахаа үзэх
үхэх мөхөх үхэж үрэгдэж үгүй болох
үхэх төрөх хүн, амьтан эхээс мэндлэх, нас барах
үхэх амьдрах хүн, амьтны амьд явах, нас эцэслэх
төрийн төлөө оготно боож үхэх хүч хүрэхгүй зүйлд санаархах
зүрх үхэх шантрах, бэрхшээх, халирах
мэх үхэх арга барагдах
уйдаж үхэх шахах маш их уйдах
үхэхээс бусдыг үзэх а. Хашир, догь болсон; б. Маш их зовлон үзэх
үхэхдээ үхэр буу тавих а. Гар татах; б. Эцсийн аргаа хэрэглэх
үхсэн чавганцаас унгас гуйх үл бүтэх юм бодож, санах
үнээ үхэхдээ сүү орох бүтэхгүй зүйлд санаархах гэсэн санаа
үхэх завгүй маш завгүй
үхнэ үхнэ гэсээр үхрийн мах барах явна явна гэсээр ямааны мах барах баашлах, арга бач гаргах, ажил явдалд саад болох
үхэвч амь нэг өргөвч тоос нэг маш дотно
үхсэн буурын толгойноос амьд ат айх

нэр сүр, хүч чадлаас нь айх гэсэн санаа

үхтэл үр харам өөрийн үр хүүхэд
дааганаас унаж үхдэггүй дарвагараас болж үхдэг бодлогогүй хэлсэн үг хэрэгт хийдэг
үхсэнийг газартаа амьдыг явдалдаа хэрэг явдлыг цаг тухайд нь хийх, ажил явдлыг дор дор нь гүйцэлдүүлэх гэсэн санаа
үхсэн газар а. Ургамал ургахгүй болсон газар; б. Ус чийггүй газар