Аливаа ургамлын цэцэг тэргүүтний багларан ургасан нь, баг цэцэг: бамбай багцаг (гол тэнхлэг дээр дэлгэрэнгүй...цэцэг бэхлэгдэх түвшин өөр өөр боловч цэцэг нь нэг түвшинд зэрэгцээ байрласан багцаг), боргоцой багцаг (гол тэнхлэг нь шүүслэг, зузаан болсон түрүүрхүү багцаг), залаа багцаг (хэд хэдэн цацаг нэг тэнхлэг дээр нийлж үүссэн багцаг), молцог багцаг (гол тэнхлэг нь зөөлөн учраас унжиж байрладаг багцаг), сагс багцаг (өргөсөж хавтгай болсон гол тэнхлэг дээр олон тооны цэцгүүд зэрэгцэж суух бөгөөд тэдгээрийг ороолт хэмээх олон ногоон навчинцарууд хучиж байрласан багцаг), толгой багцаг (гол тэнхлэг дээр шилбэгүй цэцгүүд шүхэр адил тойрч шигдэж байрласан багцаг), түрүү багцаг (гол тэнхлэг дээр шилбэгүй суумал цэцгүүд цуварч байрласан багцаг), цацаг багцаг (нэлээд урт гол тэнхлэг дээр тус бүрдээ шилбэ бүхий цэцгүүд бүхий багцаг), шүхэр багцаг (гол тэнхлэг дээр нэг түвшнээс бараг ижил шилбэтэй цэцгүүд шүхэр маягаар байрласан багцаг).