Амьтны орогнох оромж: үүр засах (орогнох газар барих) - Өргөн тал өнгийн цэцгүүдээр хучигдаж дэлгэрэнгүй...болжмор шувуухайнууд бутны ёроолоор үүр засаж эхлэв. Д.Цэвэгмид. Зохиолууд., үүрээ орхих (а. Бие гүйцэж үүрээ орхин нисэх; б. [шилжсэн] Нас бие гүйцэж олны дунд орж амьдрах), бузар булайн үүр (муу бүхний цуглуулга, эхлэл), дайсны үүр (дайсны орогнон байрлах газар), халдварын үүр (халдварын голомт), чонын үүр (чонын амьдарч, үр зулзагаа өсгөх газар), шоргоолжны үүр (шоргоолжны амьдрах оромж маягийн зүйл), үүр хороо [хоршоо] (амьтны ил орогнох газар) - Үл халгах үүр хороо засаж эндэх газарт орших арга болгожухуй. Замлин Сэнчиний намтар оршив., үүр нүх [хоршоо] (амьтны орогнох далд газар) - Өмөглөхгүй болбоос үүр нүхийг автагдмуй. Гурван улсын үлгэр., үүр уурхай [хоршоо] (а. Амьтны оромж нүх; б. Ашигт малтмалын орд бүхий газар; в. Хэрэг явдлын уг сурвалж, үүр үндэс нь байрласан газар).