Аль нэгэн бичгийн үндсэн махбод болох цагаан толгойн тэмдгүүд - Орхигдсон бүхнийг үсэг бадаг дараалан цөм бүртгэн дэлгэрэнгүй...гаргав. В.Инжаннаши. Хөх судар., үсэг засагч (хэвлэлийн газар хэвлэсэн бичиг номын алдаа мадгийг засдаг хүн), үсэг өрөгч (хуучин хэвлэх ажиллагаанд байсан ном бичиг хэвлэхэд үсгийн хэвийг нийлүүлэн өрөх хүн), үсэг холбох (уншиж сурах), үсэг хянагч (хэвлэлийн газар хэвлэсэн бичиг номын алдаа мадгийг хянадаг хүн), үсгийн дүрэм (үсгийг зөв холбон бичих дүрэм, зөв бичих дүрэм), үсгийн хэв (а. Үсгийн бар; б. Үсгийн хэлбэр), үсгийн хэлбэр (үсгийг янз бүрээр бичих хэв, жишээ нь, дармал, бичмэл, хэвтээ, босоо гэх мэт), гарын үсэг (тухайн хүний үйлдсэнийг баталгаажуулах гараараа бичсэн өөрийн нэр) - Уг газрын тогтоолд гарын үсэг зуруулахаар Сүхбаатар дээр очив. Д.Гонгор. Сүхбаатарын тухай дуртгалууд., дүрс үсэг (дүрсээр тэмдэглэх үсэг), монгол үсэг (монголчуудын зохиож хэрэглэж ирсэн уйгуржин монгол, дөрвөлжин, тод, соёмбо, вагиндра, кирил зэрэг бичиг), том үсэг (өгүүлбэр эхлэх зэрэгт хэрэглэх хэмжээгээр том үсэг), шинэ үсэг (кирил үсгээс уламжлан авсан монгол үсэг), шинэ үсэгт тайлагдах (шинэ бичиг сурах), үсэг бичиг ~ бичиг үсэг [хоршоо] (үг хэлийг тэмдэглэж олон түмэнд болон хойч үедээ уламжлах харилцааны тэмдгийн систем) - Монгол бичиг үсэг маань грек, латин, кирилийн үсэгтэй нэгэн адил эртний Мисир финикийн үсгээс үүсэлтэй бөгөөд манай ардын соёлын өвийг хадгалсаар иржээ. Б.Ринчен. Өмнө этгээдэд зорчсон тэмдэглэл., үсэг ном [хоршоо] (эрдэм мэдлэг) - Аянгын амьтай, үсэг номын нэртэй үй түмэн өдтэй. Дань хүрэл., үсэг бичгээр гэгээрдэг, сүсэг бишрэлээр мунхардаг [зүйр цэцэн үг] (ном үзээгүй хүн мунхаг болох).