ҮСТЭЙ

Үс ихтэй, үс сайтай, үс бүхий юм - Гуалигхан, тас хар үстэй, туранхай цагаан царайтай шаг хийсэн залуу байж дэлгэрэнгүй... “Цог” сэтгүүл., үстэй амьтан (үс ихтэй амьтан), үстэй дээл (мал, амьтны арьсаар доторлосон дээл), үстэй хөнжил (үстэй арьсаар доторлосон дулаан хөнжил) - Өвгөд хөгшид халуун дулаан үстэй хөнжлийг бодно. С.Буяннэмэх. Түүвэр зохиол., *үстэй толгой арзайх (а. Айх, эвгүйцэх - Учраа мэддэг болоод ард түмнийхээ эрх ашгийн төлөө харгис хаант засагтай тэмцдэг нь ажилчин болохоор, ажилчин гэхээр л харгис хаант засгийн зарц түшиг нь болсон бүхэн үстэй толгой нь арзайдаг болсон юм. Б.Ринчин. Сандо амбан; б. Зэвүүцэх - Бадам-Осорын үстэй толгой арзайж -Үртэй бол баян гэнэ үү гэж амандаа үглэсээр буцан явж гэртээ оров. Т.Нацагдорж. Алтан хүүхэд; в. Түвэгшээх, дургүй хүрэх, дургүй болох - Хувь хувьдаа мал хөрөнгөтэй тэгээд түүгээрээ болоод байдаг улс чинь, нэгдлийн ажил гэхээр үстэй толгой нь арзайж орхих юм шив гэж Авир хэлэв. С.Дашдэндэв. Үүрийн цолмон), үстэй дээл хүйтэнд, үнэн үг түмэнд [зүйр цэцэн үг] (үстэй дээл дулаан, үнэн үг хэрэгтэй гэсэн санаа).

үстэй амьтан үс ихтэй амьтан
үстэй дээл мал, амьтны арьсаар доторлосон дээл
үстэй хөнжил үстэй арьсаар доторлосон дулаан хөнжил
үстэй толгой арзайх а. Айх, эвгүйцэх; б. Зэвүүцэх; в. Төвөгшөөх, дургүй хүрэх, дургүй болох
үстэй дээл хүйтэнд үнэн үг түмэнд үстэй дээл дулаан, үнэн үг хэрэгтэй гэсэн санаа