1. Эд хөрөнгө, юмыг бүрэлгэх, сүйтгэх, үрэн таран хийх - Хөгшин ах нь юугаа ч хайрлахгүй, зарж үрж байгаад ч гэсэн дэлгэрэнгүй...чамайг одоо цагийн ангийн сайн буутай болгоно. Б.Бааст. Алтайн хөх дөнөн., мөнгө үрэх (мөнгөө дэмий зүйлд зарцуулах), хүчээ үрэх (хүчээ хий дэмий зарцуулах) - “Олны хүч хөлсийг талаар дэмий үрэх эрх хэнд ч байхгүй” гэж бүр гүнзгийрүүлэн ярьж байхыг нь Доохүү дуулав. Л.Түдэв. Нүүдэл., эд хөрөнгөө үрэх (эд хөрөнгөө алдах, үрэн таран хийх), үрэх тарах [хоршоо] (үрж үгүй хийх болон тарааж үгүй хийх), үрэх сүйтгэх [хоршоо] (эд зүйлийг дэмий, ашиггүй бүрэлгэн сүйтгэх), үрэх шамших [хоршоо] (шамшигдуулан алга хийх), үрж сүйтгэхэд хялбар, үйлдэж бүтээхэд бэрх [зүйр цэцэн үг] (хийхээс устгах нь хялбар гэсэн санаа);