Барон Унгернийн санаачлагаар Монголын “Автономитийг” сэргээж, Богд хааныг Ширээнд залах ёслол болов. Гадаад, Дотоод, Цэрэг, Сангийн, Шүүх зэрэг таван яамыг байгуулж Засгийн газрыг ерөнхийлөн захирах бөгөөд дотоод яамны тэргүүн сайдаар Жалханз хутагт Дамдинбазар, гадаад яамны тэргүүн сайдаар Шанзодба Дашзэвэг, Цэргийн яамны тэргүүн сайдаар Бишрэлт ван Доржцэрэн, Сангийн яамны тэргүүн сайдаар Лувсанцэвээн, Шүүх яамны тэргүүн сайдаар бэйс Чимэддорж, Монголын бүх цэргийн жанжнаар Хатанбаатар ван Магсаржав нарыг томилжээ.