1911 онд Богд хааны зарлигаар үе улиран Эрдэнэдалай цол, төрийн жүн ван, улбар шар жолоо шагнал хүртэж, шадар сайд, Бүгд захирах сайд, Цэргийн хэргийг бүгд захиран шийтгэгч яамны тэргүүн сайд, Сэцэн хан аймгийн цэргийг захирагч жанжнаар томилогдсон байна. Гомбосүрэн ванг өвчний учир таалал төгссөн гэж архивын сурвалжид тэмдэглэсэн байдаг боловч зарим түүхчид хорлогдсон гэж үздэг байна.