Ховдыг чөлөөлсөний дараа сайд Наваанцэрэн, Дамдинбазар нараас Алтайгаас Ховд хотод дайлаар ирсэн хятад болон Ховд хотыг цэргийн хүчээр байлдан эзэлсэн учрыг гарган баруун хязгаарыг байлдан тохинуулахад гавъяа байгуулсан хүмүүсийг сайшаан шагнуулахыг хүсч Монгол улсын хаан Богд Жибзундамбад хэд хэдэн айлтгал бичгүүд явуулсанд Богд хаан Жибзундамба бэйс Наваанцэрэнд Зоригт цол, жун вангийн цол олгож Баруун хязгаарыг сэргийлэн батлах Ховдод сууж хэрэг шийтгэх сайдаар дэвшүүлж тавин тамга олгон хязгаар нутгийг сахин суулгажээ.