Ингэж ардын хувьсгалын дараа анхны сургууль ардын төр засгаас явуулсан гэгээрлийн арга хэмжээний үндэс суурь нь болсон юм. Энэ сургуульд 7-17 насны 100-аад хүүхэдтэй дөрвөн ангитай, I-р ангид 23, II-р ангид 25, III-р ангид 30, IV-р ангид 22 хүүхэдтэй эхлэн хичээллэж сургуулийн анхны багшаар их шавь манзушир отгийн тэргүүн зэргийн түшмэл Бунибазар, их шавь Палам шүүлэг отгийн дэд зэрэг түшмэл Цогбадрах, Цэцэн хан аймгийн илдэн вангийн хошууны түшмэл Лхүндэв, Засагт хан аймгийн Цогтой вангийн хошууны дэд түшмэл Дашзэгвэ нар томилогдсон байна.