1. Юмны сүв, цоорхой, онгорхой газар - Бүдүүн сувай ямааны гүзээ рүү дөрвөн соёо орсон нүх байв. дэлгэрэнгүй...О.Цэндсүрэн. Халуун салхи., нүх сүв олох (онгорхой, цоорхой хэсэг олох), нүх сүв эрэх (арга зам хайх), нүхээ малтах (арга хайх, мэх сүвэгчлэх) - Ер нь аль хэдийн нүхээ малтчихаад байгаа хүн билээ. С.Эрдэнэ. Цасан доорх ногоо., нүх шиг харанхуй (түнэр харанхуй) - Хорвоод ховорхон болдог болов уу гэмээр нүх шиг харанхуй шөнө ажээ. Л.Чойжилсүрэн. Морин төвөргөөн., нүүрс барьдаг хүн нүүрээ хөөдөх нь зөв, нөхөр муутай хүн нүхэнд унадаг нь зөв [зүйр цэцэн үг] (хүнд орчин тойрон их нөлөөлдөг гэсэн санаа); нүх гаргах (онгорхой гаргах), хамрын нүх (хамрын үзүүрт байх хоёр сүв), товчны нүх (товчны голд байх жижиг сүв), агуй нүх (газар дор буюу уул хаданд тогтсон гадагш гарах амсартай хонгил, сүв), нүх сүв [хоршоо] (юман дээрх их бага цоорхой), нүх сүвийг битүүлэх (онгорхой цоорхой хэсгийг хаах) - Гэрийнхээ хаяагаар дахин дахин эргэлдэж, онгорхой цоорхойгоор шагайн ижийнхээ барааг харъюу гэтэл нүх сүв бүхнийг битүүлсэн байлаа.