I
Дотроо хөгжих сэтгэл, хүсэл сонирхол: урам засах (урамтай болгох арга сүвэгчлэх),дэлгэрэнгүй... урам нэмэх (зориг эрмэлзлэлийг дэмжих), урам орох (урам зориг төрөх), урам харих (дотор үхширч зориг алдрах), урам хөгжөөх (урам зоригийг бадраах), урам хугарах (зориг мохох, зориггүй болох) - Гэтэл аливаа юм Сатайн санаснаар болохгүйд хөгшин сайд урам хугарч шүүрс алдав. Ш.Нацагдорж. Мандхай цэцэн хатан., урам эвдэх (урам хугалах, урамгүй болгох) - Холоос ирсэн зочны урмыг эвдэх нь тун ч уйтгартай байв. Д.Нацагдорж. Зул., урам хугалах (дур сонирхолгүй болгох); урам зориг [хоршоо] (хийж бүтээхийн төлөө шамдах сэтгэл, урамшил) - Уулзана биз хэмээн санагдаж урам зориг нь бадрав. Б.Чойндон. Галбын говьд., урам турам [хоршоо] (урам зориг) - Цөм урам турам хугарч урьдын төчнөөн инээдэм нэгэн цагт уйлаан болон хувирав. В.Инжаннаши. Улаанаа ухилах тэнхим., *хүний урамд (ядахдаа) - Амралтын залуус шохоорхон заримдаа алиа хошин үг унагавч, тэр хүүхэн хариу дуугарах нь байтугай хүний урамд инээмсэглэх нь ч үл харагдана. С.Бадраа. Улаанбаатар минь сайн байна уу., урмыг нь хугалахаар ууцыг нь хугалах [зүйр цэцэн үг] (урмыг нь хугалах хамгаас хортой, нэг нэгэндээ байнга урам өгч байх гэх мэт санаа), урмын дөл дээр баярын тос нэмэх [зүйр цэцэн үг] (урмыг нь хугалахгүй байх, урам нэмэх, нэг нэгнийгээ дэмжих гэх мэт санаа).
Ижил үг
